MATHAYO 2:6 - Biblia Ilagho Jiboie Kwa Wandu Wose

⁶ ‘Oho Bethlehemu wa Isanga ja Juda, ndekuko mtini putu aghadi ya vilongozi va Juda; kwa kukaia kwako uchafuma kilongozi, uchaawighenja wandu wapo Israeli.’”

MATHAYO 2:6 Referans Kwoze

MIKA 5:2

BWANA waghamba, “Bethlehemu Efrata, koko mtini putu aghadi ya mizi yose ya Juda; ela nichawusira m'bonyi nguma kufuma kwako, nao uchakaia m'bonyi nguma wa Israeli ufumagha kwa kichuku icheni cha kala.”

JOHANE 7:42

Maandiko ndeghighorie angu Kristo uchafuma kwa kivalwa cha Daudi na kuvalwa Bethlehemu muzi orekaieghe Daudi?”

KUZOYA 49:10

Juda ndechaatana na mzata ghwa nguma, na uo ubonyagha nguma ndechaasoweka kwake anduangi. Hata uche mundu waro moni, uo uchaasikirwa ni wandu wose.

WUFUNUO 11:15

Niko uo malaika wa mfungade ukaikaba tarumbeta yake, kukakaia na chwaka mbaa mlungunyi rikighamba, “Wuzuri ghwa wurumwengu ghwawuya wuzuri ghwa Bwana odu na ghwa Kristo wake, nao uchabonya nguma kwa kala na kala.”

MATHAYO 28:18

Jesu ukawichea ukawizera, “Namerie kunekwa nguma rose mlungunyi na ndoenyi.

ISAYA 40:11

Uchachilisha chagha chake sa mlisha, uchawikwanya wana wa ng'ondi, na kuwidwa mkonunyi kwake; uchawidwa laghenyi kwake; na weke mae uchawighenja kwa wumboa.

WUFUNUO 2:27

nao ucharibonyera nguma kwa mzata ghwa chuma, na kuribara seji kuwonagha nyungu ra wongo rikibarwa; nichamneka ndighi iro seji koni ini moni nerepatireghe kufuma kwa Aba,

2 SAMUELI 5:2

Ngelo iidie iji Sauli orekoghe mzuri aighu yedu, ni oho kumoni korekoghe kukiwilongoza wandu wa Israeli wudenyi, na BWANA orekuzerieghe, ‘Oho kuchakaia mlisha wa wandu wapo Israeli na m'baa wawo.’”

WAKOLOSAI 1:18

Nao nuo chongo cha mumbi, najo ni ikanisa; uo ni uko kuzoya, nao nuo wa imbiri wa kuruka kufuma kwa wafu; eri upate kukaia wa imbiri kwa maza rose.

MATHAYO 2:1

Jesu orevaloghe Bethlehemu isanga ja Judea, iji Herode orekoghe mzuri. Ngelo vui nyuma ya kuvalwa kwake, wamanyi wa nyerinyeri wikacha Jerusalemu kufuma chia ra mashariki;

WAEFESO 1:22

Mlungu waviwikie vilambo vose vikaie maghunyi kwake Kristo, na kummbika ukaie chongo aighu ya vilambo vose kwa wundu ghwa ikanisa;

1 MALAGHO GHA NGELO 5:2

Kichuku cha Juda nicho chipatire ndighi kuchumba aghadi ya waruna; chikafunya m'bonyi nguma kwa wundu ghwa mbari yose.)

MITALO 24:19

Wuzuri ghuchawadilwa ni kivalwa cha Israeli, na awo wisigharikagha andenyi ya mizi mibaa, wichatoteshwa!”

JOHANE 21:16

Jesu ukamkotia sena indo ja kawi, “Wele Simoni mwana wa Johane kwanikunde?” Ukatumbulia, “Ee Bwana, oho kwaichi angu nakukunde.” Jesu ukamzera, “Lindia ng'ondi rapo.”

EZRA 2:21

Awa ni wandu werewurieghe, awo weke wawae werekoghe wikikaia Bethlehemu, wandu ighana na mirongo iwi na wadadu.

WAEBRANIA 7:14

Ni worinyi kukaia Bwana odu orekoghe wa kivalwa cha Juda, na Musa jingi ndeghora ilagho jingi ja wukohani aighu ya mbari iyo anduangi.

WUFUNUO 7:17

Angu uo Mwana wa Ng'ondi uko aghadi ya icho kifumbi cha nguma, uchakaia mlisha wawo, nao uchawighenja kwa ndoria ra machi gha irangi na Mlungu uchawiaghia mbori rose mesonyi kwawo.”

1 MALAGHO GHA NGELO 2:51

Salma, uo orepatireghe muzi ghwa Bethlehemu, na Harefu, uo orepatireghe muzi ghwa Beth-gaderi.