MATHAYO 2:23 - Biblia Ilagho Jiboie Kwa Wandu Wose

²³ ukakaia muzi ghuwangwagha Nazareti; eri malagho ghighorelo ni walodi ghikatisho ghighambagha, “Uchawangwa Mnaziri.”

MATHAYO 2:23 Referans Kwoze

WATANYI 13:5

Zighana kuchakaia na kifu, kuve mwana wa womi. Jingi usearo chongo chake, angu uo mwana uchakaia Mnaziri kwa Mlungu kufuma kuvalwa kwake; nao uchazoya kuikira Israeli kufuma kwa Wafilisti.”

MARKO 1:24

ukighamba, “Isi dawadieki kwako, Jesu wa Nazareti? Kwaacha kuditotesha? Nakuichi oho nani; ni uja Mweli wa Mlungu.”

MATHAYO 26:71

Hata iji orekoghe ukifuma mnyangonyi, mwai umu wa kazi ukammbona ukawizera waja werekoghe aho, “Mundu uhu orekwanyeghe na Jesu Mnazareti.”

MATHAYO 1:22

Na agha ghose gherebonyekieghe, eri malagho gha Bwana oreghighorieghe kwa momu ghwa mlodi ghipate kukatia ghighambagha,

MABONYO GHA WADUMI 24:5

Dawonie mundu uhu oko na ndengwa, ni m'bonyi sheshe aghadi ya Wayahudi wose wurumwengunyi kose, nao ni kilongozi cha dini ya Wanazareti.

MABONYO GHA WADUMI 2:22

“Sikirenyi malagho agha inyo wandu wa Israeli: Jesu wa Nazareti, ni mundu oremanyishiroghe worinyi konyu ni Mlungu kwa mabonyo gha ndighi, alama na mashiniko Mlungu oreribonyereghe kwa kumtumia aghadi konyu sa iji koni mwawuyamanya.

JOHANE 19:19

Pilato oreandikieghe iandiko ukajiwika aighu ya msalaba jighambagha, “JESU WA NAZARETI, MZURI WA WAYAHUDI.”

JOHANE 18:7

Jesu ukawizera sena, “Nani mumlolagha?” Wikaghamba, “Jesu wa Nazareti.”

JOHANE 18:5

Nawo wikamtumbulia, “Jesu wa Nazareti!” Jesu ukaghamba, “Ni ini moni.” Juda, uo mfunyi wake, orekoghe andwamweri nawo.

LUKA 2:39

Hata iji wameria kubonya maza rose karakara na Sharia ya Bwana, wikawuya Galilaya, mzinyi kwawo koni Nazareti.

LUKA 1:26

Nao mori ghwa karandadu ghwa kifu cha Elizabeti, malaika Gabrieli ukadumwa kufuma kwa Mlungu, kughenda muzi ghumu ghwa Galilaya ghuwangwagha Nazareti,

MITALO 6:13

“Na ihi niyo sharia ya Mnaziri, iji ngelo ya kutengwa kwake yakata, ucharedwa mnyangonyi ghwa Hema ekwania,

1 SAMUELI 1:11

Ukabonya ighemi ukighamba, “Ee BWANA wa majeshi, ngera loli kwadakumbuka na kughuzighana wasi ghwapo, hata kuseniliwe ini mdumiki wako, nao kunineke mwana wa womi, niko na ini nichamfunya na kukuneka oho BWANA matuku ghose gha irangi jake, nao ndechaarwa na shembe chongonyi kwake anduangi.”

MATHAYO 21:11

Wandu wiko izungunyi wikatumbulia, “Uhu ni uja mlodi Jesu ufumie Nazareti muzi ghwa Galilaya.”

MARKO 1:9

Matuku ghaja gheni, Jesu orechieghe kufuma Nazareti, muzi ghwa Galilaya; ukabaputizwa ni Johane modenyi ghwa Jordani.

LUKA 18:37

Nawo wikamtumbulia, “Ni Jesu wa Nazareti uidagha.”