MATHAYO 2:16 - Biblia Ilagho Jiboie Kwa Wandu Wose

¹⁶ Herode uendamanya angu awo wamanyi wa nyerinyeri wamkita, ukajokwa ni machu loli-loli. Ukafunya momu ghobwagha wana wa womi wose wiseidie miaka iwi wiko Bethlehemu na mbai-mbai yaro; kunughana na icho kimu oreghoreloghe ni awo wamanyi wa nyerinyeri.

MATHAYO 2:16 Referans Kwoze

ISAYA 59:7

Mwaghenda na iseghe kubonya wuwiwi, mwashashira kudia bagha ya wandu wisene ikosa jingi. Maririkanyo ghenyu ni gha wuwiwi, na andu kose mwidagha mwadabonya mawiwi ghenona.

MAKATANISHO 28:15

M'bonyi nguma uzamie ooka sa shimba irurumagha kwa wakiwa, angu sa kibarabara chichumbiagha wandu.

WUFUNUO 17:6

Nani neremmbonieghe uo muka uwongerelo ni bagha ya waeli, na ya wandu werebwaghiloghe kwa wundu ghwa kumshuhudia Jesu. Hata iji neremmbonieghe, ngashinika na ndighi.

HOSEA 10:14

Kwa huwo izungu ja wandu wa wuda jichacha aighu ya wandu wenyu, na ngome renyu rose richanonwa. Ichakaia seji Mzuri Shelmani orenonieghe muzi ghwa Beth-abeli ngelo ra wuda; weke mao na wana wawo wikabwaghwa.

DANIELI 3:13

Mzuri Nebukadnezari ukajokwa ni machu, ukafunya momu Shadraka, na Meshaki, na Abednego wiredo imbiri kwake. Nao wikawireda imbiri ya mzuri.

ISAYA 26:21

Olenyi BWANA uacha shwa-shwa kufuma andu kwake; upate kuwikaba wandu wiko ndoenyi, kwa wundu ghwa kaung'a rawo; ndoe ichaifunukua iyo bagha erediriloghe aighu yaro, hata ndeichaawivisa awo werebwaghiloghe anduangi.

2 WAZURI 8:12

Hazaeli ukamkotia, “Kuliliaki bwana wapo?” Ukatumbulia, “Ni angu namanya ugho wuwiwi kuchaawibonyera wandu wa Israeli; kwa kukaia kuchakora ngome rawo, na kubwagha wandu wa irika wa Israeli kwa lufu, sena kuchawifasha-fasha wana wawo, na kuwirashua-rashua waka wawo wiko na vifu.”

WATANYI 16:10

Nao Delila ukamzera Samsoni, “Zighana kwanikalie kukanighoria tee; nakuvoya kunighorie seji kudimagha kufungwa.”

KUZOYA 49:7

Machu ghawo ndeghiwasiro njowe angu gherekoghe mabaa, na lubio lwawo wori angu luko na wutukutu. Nichawiwaghanya andenyi ya Jakobo, na kuwisaghisa andenyi ya Israeli.

MAKATANISHO 28:17

Mundu orebwaghieghe mmbao uchakaia mkimbii, ndekaie mkimbii hata kifwa chake; mndungi usemtesie.

AYUBU 12:4

Hata waghenyi wapo waawuyaniseka; ini mundu neremmbangagha Mlungu nao unidike, mundu wa hachi usewadie ikosa jingi, wandu waawuyaniseka.

MITALO 24:10

Niko Balaki ukajokwa ni machu nandighi aighu ya Balaamu, ukakaba chui rake ukamzera Balaamu, “Nedekuwanga kuchewasira wamaiza wapo njowe; zighana kwawirasimia mando agha adadu.

MITALO 22:29

Balaamu ukamzera punda, “Ni angu kwawuyanisarighia. Na wei nedeka na lufu, kumangu nakubwagha.”

KUZOYA 39:17

ukamghoria ghaja malagho gheni ukighamba, “Uhu mdumiki Muebrania kumredie aghadi kodu wanichea ukikunda kunidukana,

KUZOYA 39:14

ukawiwanga wadumiki wa nyumbenyi kwake ukawizera, “Zighanenyi wadiredie uhu Muebrania uchedidukana! Wangia aha ukikunda ulale nani, ngakema na lwaka lubaa,

MATHAYO 2:1

Jesu orevaloghe Bethlehemu isanga ja Judea, iji Herode orekoghe mzuri. Ngelo vui nyuma ya kuvalwa kwake, wamanyi wa nyerinyeri wikacha Jerusalemu kufuma chia ra mashariki;

MATHAYO 2:7

Niko Herode ukawiwanga kwa kiviso waja wamanyi wa nyerinyeri, ukakunda kumanya kufuma kwawo ngelo iyo nyerinyeri iwonekie.

MATHAYO 2:17

Niko ghikakatia agho ghereghoreloghe ni mlodi Jeremia:

WUFUNUO 12:4

Na iyo choka ikakurudua ifungu ja kadadu ja nyerinyeri kwa kikomba chake, na kurikumba andoenyi. Ikakaia kimusi imbiri ya uo muka orekoghe kaavui na kuva mwana; eri uo mwana ukavalwa, ipate kummila.