MATHAYO 2:11 - Biblia Ilagho Jiboie Kwa Wandu Wose

¹¹ wikaghenda na kungia andu aja mwana orekoghe, wikammbona uko na mae Maria, wikamdungia ngokoro wikamtasa. Wikafungua mali rawo, wikamfunyira manosi gha dhahabu, ubani, na manemane.

MATHAYO 2:11 Referans Kwoze

ISAYA 60:6

Longo lwa ngamila richacha richuo kwako, wana wa ngamila wifumie Midiani na Efa; iro rose kufuma Sheba richakuchea. Richareda dhahabu na marumba, wikieresha agho makaso gha BWANA.

ZABURI 72:10

Wazuri wa Tarshishi, na awo wa visiwa, ndewimlipe kodi; na wazuri wa Sheba na Seba ndewimredie manosi.

LUKA 2:16

Wikaghenda shwa-shwa, wikammbona Maria, Josefu, na kana kakoo kararishwa andu mfugho rijiagha kiwandenyi.

MATHAYO 2:2

wikakotia, “Oko hao uja mwana uvalo mzuri wa Wayahudi? Angu nyerinyeri yake daiwonie kufuma chia ra mashariki, nesi dacha kumtasa.”

ZABURI 95:6

Choonyi dighoghome dimtase; dimdungie ngokoro BWANA Muumbi odu.

ZABURI 72:15

Mzuri ndeduo moyo luma, uneko dhahabu ya Sheba! Malombi ndeghibonyo kwa wundu ghwake tulituli, na kurasimilwa dime dii.

1 WAZURI 10:2

Orechanyeghe na wadumiki wengi, na ngamila raduka marumba, na dhahabu nyingi na magho gha zoghori mbaa. Hata iji wavika Jerusalemu, ukamghoria Solomoni agho ghose gherekoghe ngolonyi kwake.

MITALO 7:14

Bakuli imweri ya dhahabu ya gramu ighana na ikumi ichue marumba;

WUFUNUO 19:10

Niko ngaghwa kijimijimi maghunyi kwa uo malaika nipate kumtasa; ela uo ukanizera, “Kusakebonya huwo! Ini ne mdumiki sa kumoni, na sa awo wanyinyu wiwadie wushuhuda ghwa Jesu. Mtase Mlungu.” Angu ugho wushuhuda ghwa Jesu, niyo roho ya wulodi.

MATHAYO 14:33

Na wose werekoghe ishuonyi wikamtasa wikighamba, “Loli oho ko Mwana wa Mlungu.”

WUFUNUO 5:8

Hata iji wameria kuchiwada icho chuo, iro nyamandu riko moyo inya, na awo waghosi mirongo iwi na bana, wikaghwa imbiri ya uo Mwana wa Ng'ondi; kula umu uko na zeze, na bakuli ra dhahabu richue marumba, nagho ni malombi gha waeli.

LUKA 2:38

Nao ukicha kwa saa ija cheni, ukamfunyira Mlungu chawucha, nao ukaghora malagho gha uo mwana worinyi kwa wose werekoghe wikikuweseria kuja kukombolwa kwa Jerusalemu.

1 SAMUELI 10:27

Ela wandu wamu wa kisha-kisha wikaghamba, “Umundu udima wada kudikira?” Wikammenya hata ndeweremnekieghe zawadi ringi. Ela Sauli uo ukakaia na sere.

MITALO 7:86

Iro bakuli ikumi na iwi ra dhahabu richue marumba, rerekoghe na wulemeri ghwa gramu ighana na ikumi kula imu, kunughana na kipimo chiwikilo cha Andu kwa Wueli; wulemeri ghwa dhahabu yose ya iro bakuli ghorekoghe kilo imweri na pointi mirongo idadu na iwi.

WALAWI 6:15

Umu wawo uchabegha ngonde ichue ya mufu ghudendere ghwa kizongona cha viro, chiaimweri na mavuda gharo na vilungo vose viko aighu ya kizongona cha viro, nao uvikore vikaie lukumbuso kukaia vaafunywa kwa BWANA, ni irumba icha kwa BWANA.

KUFUMA 30:34

Nao BWANA ukamzera Musa, “Wada marumba ghinukie nicha, vipimo vikatane, stakite, onincha, galibaumu, na marumba ghiboie gha ubani.

KUZOYA 43:11

Niko ndee ukawizera, “Ikakaia ni suti maza rikaie huwo, bonyenyi huwu: Mudo matunda ghamu ghiboie gha isanga iji magunienyi konyu, ghikaie manosi kwa uja mundu. Mdwaienyi matunda gha zabibu riomie, wuki mtinieri, marumba, manemane, na njugu.

MALAKI 1:11

Wandu kufuma wurumwengu ghwa ii chia, hata kutua kwa wurumwengu ija chia wanineka ishima. Waawuyafunya na kukora vizongona virumirikiagha kwapo, kwa kukaia wawuyanitala.

ZABURI 45:8

Marwao ghako ghanuka marumba gha manemane, uudi na mdalasini. Kwadaboilwa ni chwaka ra zeze, rikabwagha andenyi ya ngome ra wazuri; riaghilo na mbembe ra chovu.

ZABURI 2:12

Mghoghomekienyi usechejokwa ni machu shwa wori, na kumtotesha chienyi. Warasimilwa awo wose wimkimbiriagha.

1 WAZURI 10:10

Nao ukamneka Mzuri Solomoni manosi agho oredwaeghe: dhahabu ichumbagha kilo elfu inya, na vilungo vingi nandighi, na lulu. Jingi mndungi ndemnekie mzuri vilungo vingi sa ivo.

KUFUMA 30:23

“Kuwade marumba ghiboie kuchumba. Kilo irandadu ra mavuda gha manemane, na kilo idadu ra mavuda ghinukie nicha gha mdalasini, na kilo idadu ra mavuda ghinukie nicha gha kane

LUMBO 3:6

Nani uhu ujokagha kufuma kireti sa nguro ya mosi, ushingilo marumba gha manemane, na ubani, agho marumba ghiuzwagha ni wandu wa biashara?

MATHAYO 1:18

Jesu Kristo orevaloghe huwu; Maria uja mae, orekoghe mchumba wa Josefu, ela imbiri wisekaie chia imweri, ukawoneka oko na kifu kwa ndighi ra Roho Mweli.

MATHAYO 2:10

Nawo wiendaiwona iyo nyerinyeri, wikaboilwa loli-loli;

MATHAYO 12:46

Hata iji orekoghe ukidedanya na wandu, mae na waruna wikakaia kimusi shighadi wikikunda kummbona.

JOHANE 19:39

Na wokoni Nikodemo, uo imbiri oremghendieghe Jesu nakio, ukareda maranganyo gha manemane na ubani sa kilo mirongo idadu.