MATHAYO 19:5 - Biblia Ilagho Jiboie Kwa Wandu Wose

⁵ ukaghamba, ‘Kwa wundu ughu mundu uchawisigha ndee na mae, uwadane na mkake, nawo waja wawi wichakaia mumbi ghumweri?’

MATHAYO 19:5 Referans Kwoze

1 WAKORINTHO 7:4

Angu uo muka ndena nguma aighu ya mumbi ghwake moni, ela ni uo mumi wake. Wokoni na uo mumi ndena nguma aighu ya mumbi ghwake, ela ni uo muka.

1 WAKORINTHO 7:2

Ela kwa kukaia matimo gha wulaki gheko, ni nicha kula mundu ukaie na mkake moni, na kula muka ukaie na mndwawomi wake moni.

WAEFESO 5:31

“Kwa wundu ughu, mundu uchamsigha ndee na mae, umaziriane na mkake, na awo wawi, wichawuya mumbi ghumweri.”

1 WAKORINTHO 6:16

Angu huwo ndemmanyire uo ukuwadanishagha na ilaya wawuya mumbi ghumweri nao? Nechi ni sa iji iandikilo, “Waja wawi wichawuya mumbi ghumweri.”

ZABURI 45:10

Degha kudu kusikire ee mwai kulowolwagha ni mzuri: Liwa wandu wako, na nyumba ya ndeyo.

WAROMA 12:9

Lukundo lusekaie loja kuwi; mzamilo ni kiwiwi, mmaziriane na icho chiko chiboie.

ZABURI 63:8

Nawadana na oho kukanimaziria.

1 SAMUELI 18:1

Nyuma ya Daudi kudedanya na Sauli, ngolo ya Jonathani ikawadana na ya Daudi, nao ukamkunda seji ukukunde moni.

WUKUMBUSO 11:22

“Mkalindia kumkunda BWANA Mlungu onyu, kughenda kwa chia rake rose, na kukusaghika nao, seji nimlaghiragha m'bonye,

WUKUMBUSO 10:20

Mumuobuo BWANA Mlungu onyu, mumdumikie na kumaziriana nao, na kubonya ighemi kwa irina jake.

WUKUMBUSO 4:4

ela inyo morenughaneghe na BWANA Mlungu onyu, mwaduagha moyo hata idime.

KUZOYA 34:3

Ngolo yake ikarirwa ni Dina mwai wa Jakobo, hata ukamkunda nandighi, ukakaia ukimja malagho ghisingie.

1 WAZURI 11:2

Ukalowua kufuma kwa mbari iro Mlungu orekanieghe wandu wa Israeli wiseloworane, wichewighalua ngolo rawo na kutasa milungu mizima.

2 SAMUELI 1:26

“Kwaniwawa nandighi mwanidu Jonathani Koreniboiagha nandighi, lukundo lwako cha kwapo lodeeka lwa mashiniko; nalo lwachumbie lukundo lwa waka.

MALAKI 2:15

Welee, Mlungu nderemfungieghe mkakaia kindo chimweri roho na mumbi? Makusudi ghake gherekoghe kii? Odekunda mpate wana wichaawuya wandu wa Mlungu kwa loli. Kwa huwo mlindie ungi onyu usechikanye malaghiro ghake, sena ukaie mloli kwa mkake.

MATHAYO 19:6

Huwo ndewiko wawi sena anduangi, ela ni mumbi ghumweri. Kwa huwu, awo Mlungu orewitumalieghe chia imweri, mdamu ungi usakewitanya.”

1 SAMUELI 25:43

Daudi orekoghe wamlowua Ahinoamu wa muzi ghwa Jezreeli, na Abigaili wori ukawuya mkake.