MATHAYO 18:9 - Biblia Ilagho Jiboie Kwa Wandu Wose

⁹ Ngera iriso jako jakushekeria kubonye kaung'a, kujide noko; ikaia baa oho kungie iranginyi kifondo, kuchumba kukaia na meso awi, nao kukumbo jehanamunyi ya modo.

MATHAYO 18:9 Referans Kwoze

MABONYO GHA WADUMI 14:22

Wikiwimangisha awo warumirii, na kuwifungisha ndighi widuo andenyi ya ijo irumirio wikighamba, “Ni suti dighungie Wuzuri ghwa Mlungu kwa chia ya wasi mungi.”

MATHAYO 18:8

“Ngera mkonu ghwako angu kughu kwako kuakushekeria kubonye kaung'a, kukudumbuo kukude noko. Ikaia baa kungie iranginyi kusewadie mkonu angu kughu kumu, kuchumba kukaia na mikonu angu na maghu awi nao kukumbo modonyi ghwa kala na kala.

MATHAYO 5:29

Idana ngera iriso jako ja kiwomi jiakushekeria kungie kaung'enyi kujikuo kujide noko. Ni nicha kulaghasha kia chimu chako kuchumba mumbi ghwako ghose kukumbwa jehanamunyi.

MATHAYO 5:22

Ela ini namzera, kula mundu ucham'bonyera mruna machu uchatanywa, na uo ummenyagha mruna uchaghenjwa mwandunyi. Uo ummbangagha mruna ‘Mkelu’ ichafwana ukumbo modonyi ghwa jehanamu.

WUFUNUO 21:27

Ela kindo chingi chiseelie ndechichaangia andenyi yaro, hata mundu ubonyagha maza rizamie angu ughoragha tee; ela awo wandu weni wiandikilo andenyi ya chuo cha Mwana wa Ng'ondi.

WAEBRANIA 4:11

Idana isi ndedifunge ndighi kukungia kuja kuhora, eri mndungi usecheghushwa ni kuja kulegha kusikira.

MARKO 9:47

Na ngera iriso jako jakukuwisha, jikuo! Ni nicha oho kungie kwa Wuzuri ghwa Mlungu kifondo, kuchumba kukaia na meso awi na kukumbwa jehanamunyi.

MATHAYO 19:17

Jesu ukamzera, “Kwaki kunikotiagha ja ijo jiko icha? Oko umweri tu uko mucha. Ela iji kukunde kungie iranginyi kuiwadie memu.”

MATHAYO 16:26

ela uo ujilaghashagha irangi jake kwa wundu ghwapo uchajipata sena. Ichamfwana mundu kii ukaghupata wurumwengu ghose na kujilaghasha irangi jake? Angu uchafunya kii kuindana na irangi jake?