MATHAYO 15:36 - Biblia Ilagho Jiboie Kwa Wandu Wose

³⁶ Ukaiwada ija mikate mfungade na duja dusamaki, ukamfunyira Mlungu chawucha, ukaichikanya ukaineka wanughi, nao wikawiwaghia wandu.

MATHAYO 15:36 Referans Kwoze

WAROMA 14:6

Uo ujitalagha ituku wajitala kwa kumneka Bwana ishima. Uo ujagha wori, waja kwa kumneka Bwana ishima, kwa kukaia wamfunyira Mlungu chawucha; na uhu usejagha, wasigha kuja kwa kumneka Bwana ishima; nao wamfunyira Mlungu chawucha.

LUKA 22:19

Ukawada mkate, ukafunya chawucha, ukaghuchikanya ukawineka ukighamba, “Ughu nigho mumbi ghwapo [ghufunywagha kwa wundu ghonyu, bonyenyi huwu kwa kunikumbuka ini.”

MABONYO GHA WADUMI 27:35

Uendaghora huwo, ukawada mkate, nao umeria kumfunyira Mlungu chawucha imbiri ya wose, ukaghuchikanya, ukazoya kuja.

JOHANE 6:11

Jesu ukaiwusa iyo mikate, hata umeria kufunya chawucha kwa Mlungu, ukawiwaghia wandu werekoghe kidombo; na samaki woruwo koni, kula mundu ukapata sa iji orekundieghe.

1 WAKORINTHO 10:31

Kwa wundu ugho, ngera mwaja angu kunywa, angu ijo jose m'bonyagha, bonyenyi ghose kwa wundu ghwa wubaa ghwa Mlungu.

1 SAMUELI 9:13

Mkameria kungia mzinyi mchammbona imbiri usejokie mghondinyi kwendaja vindo; angu wandu ndewijagha usechee, kwa kukaia ni suti urasimie icho kizongona, ima awo wandu wikaribishiro wije. Idana jokenyi shwa-shwa, nenyo mchammbona.”

JOHANE 6:23

Elaima, mashua zima rifumie Tiberia, rerechieghe andu aho wandu werejieghe mikate iji Bwana oremfunyireghe Mlungu chawucha.

LUKA 24:30

Hata iji wasea kidombo uje vindo andwamweri nawo, ukawada mkate, ukaghurasimia, ukaghuchikanya ukawineka.

LUKA 22:17

Nao ukachiwada kikombe, hata iji wameria kufunya chawucha ukaghamba, “Koonyi ichi mmbaghiane mmbose,

MATHAYO 14:19

Ukafunya momu wandu wisee kidombo anyasinyi; ukaiwusa ija mikate na samaki iwi; ukazighana aighu mlungunyi ukairasimia na kuichukanya, ukawineka wanughi wake, nawo wikaineka ijo izungu.

MATHAYO 15:35

Jesu ukafunya momu jija izungu jisee kidombo andoenyi.

1 WAKORINTHO 14:16

Ikakaia si huwo-lee, kukafunya chawucha kwa roho, mundu mzima userumirie uchadikia wada “Amen” kwa uko kufunya chawucha kwako, ngera usemanyire agho kughoragha?