MATHAYO 15:32 - Biblia Ilagho Jiboie Kwa Wandu Wose

³² Nao Jesu ukawiwanga wanughi wake ukawizera, “Nawadwa ni wughoma ghwa wandu awa, angu wakaianya nani matuku adadu wisewadie vindo. Nani ngawilekeria wighale njala, wadima kudumbukia chienyi.”

MATHAYO 15:32 Referans Kwoze

MATHAYO 9:36

Nao iji wawizighana wandu, ukawiwona wasirimwa na kusaghisika, ukawadwa ni wughoma angu werekoghe sa ng'ondi risewadie mlisha ungi.

MABONYO GHA WADUMI 27:33

Ndoe iendalighisa kuela, Paulo ukawishingira wandu wose wije vindo ukighamba, “Idime ni ituku ja ikumi na inya mkiwesera, msejie vindo.

WAEBRANIA 4:15

Angu uo Mkohani M'baa diko nao, ndedimagha kulemwa ni kuwadwa ni wughoma kwa wundu ghwa wunyonge ghodu anduangi; ela uo oretimiloghe kwa kula chia seji koni dawuyatimwa, ela nderebonyereghe kaung'a anduangi.

LUKA 7:13

Bwana uendawona uja muka, ukangilwa ni wughoma m'baa, ukamzera, “Leka lila.”

MARKO 9:22

Na kalazi koni yadamkumba modonyi na machinyi kukunda kumtotesha, ela oho ngera kwadima ilagho jingi, kudifue wughoma kuditesie.”

MATHAYO 27:63

wikamzera, “Bwana, isi dakumbuka angu iji uja mkalii orekoghe moyo oreghambieghe, ‘Nicharukishwa nyuma ya matuku adadu.’

MATHAYO 20:34

Jesu ukawadwa ni wughoma, ukawiadada meso ghawo; nao ahoeni wikawona wikamnugha Jesu.

MATHAYO 12:40

Angu sa iji koni Jona orekaieghe matuku adadu na vio varo andenyi ya kifu cha mngumi, niko koni na Mwana wa Mdamu uchaakaia andenyi ndoenyi matuku adadu.

2 WAZURI 4:42

Ngelo imu, mndumu ukacha kufuma Baal-shalisha; ukamredia Elisha mikate mirongo iwi ya shairi kufuma kwa mavalo ghake gha imbiri, andwamweri na vanga viwishi va viro mfukonyi kwake. Elisha ukaghamba, “Neka wandu wije.”

MATHAYO 14:13

Nao iji Jesu wasikira malagho gha Johane, ukafuma aho kwa ishua ukaghenda andu kusewadie wandu. Ela wandu wikamanya wikamnugha kwa maghu kufuma mizinyi.

MATHAYO 15:33

Wanughi wake wikamzera, “Aha ni kireti, dipata hao vindo vewikata wandu wengi huwu?”