MATHAYO 15:31 - Biblia Ilagho Jiboie Kwa Wandu Wose

³¹ Wandu wose wikashinika iji wammbona uja kituri ukideda, watighini wikighenda, na wakelemeri waboiswa; wikamkasa Mlungu wa Israeli.

MATHAYO 15:31 Referans Kwoze

MATHAYO 9:8

Wandu wose izungunyi iji waghiwona agho, wikaobua na kumkasa Mlungu uo orewinekieghe wadamu iro nguma.

LUKA 18:43

Nao shwa wori ukawona, ukamnugha ukimneka Mlungu wubaa; na wandu wose iji werewonieghe agho wikamkasa Mlungu.

LUKA 7:16

Wikangilwa ni wowa wose wikamkasa Mlungu wikighamba, “Mlodi m'baa wawuka aghadi kodu!” sena “Mlungu wawivikia wandu wake.”

MATHAYO 18:8

“Ngera mkonu ghwako angu kughu kwako kuakushekeria kubonye kaung'a, kukudumbuo kukude noko. Ikaia baa kungie iranginyi kusewadie mkonu angu kughu kumu, kuchumba kukaia na mikonu angu na maghu awi nao kukumbo modonyi ghwa kala na kala.

MATHAYO 9:33

Hata nyuma ya ija pepo kumfuma, uja mundu ukazoya kudeda nicha. Wandu wikashinika wikaghamba, “Jingi ndediwonie ilagho sa iji kwa Israeli anduangi!”

JOHANE 9:24

Nao wikammbanga indo ja kawi uo mundu orevaloghe kitungure wikamzera, “Mneke Mlungu wubaa, isi daichi angu mundu uhu ni mkaung'a.”

LUKA 14:21

Niko uja mdumiki ukawuya na kumghoria bwana wake. Uja mundu wa nyumba ukajokwa ni machu, ukamzera mdumiki wake, ‘Ghenda shwa-shwa kwa chia mbaa, na chia ndini ra mizi, kuwirede aha wakiwa, watighini, wakelemeri, na vitungure.’

LUKA 14:13

Ela iji kwabonya karamu, kuwange wakiwa, watighini, wakelemeri, na vitungure;

MARKO 9:43

Na ngera mkonu ghwako ghwakukuwisha, ghudumbuo! Ni nicha oho kungie iranginyi kuseko na mkonu ghumu, kuchumba kukaia na mikonu iwi, nao kughende modonyi ghwa jehanamu. [

MARKO 7:37

Wandu wikashinika nandighi loli-loli, wikighamba, “Wadabonya maza rose nicha: wadabonya hata wifue madu wisikire, na vituri widede.”

MARKO 2:12

Nao ahoeni ukawuka, ukaghuduka wuli ghwake, ukafuma imbiri ya wose, hata wikashinika, wikamkasa Mlungu wikighamba, “Na jingi ndediwonie huwu anduangi.”

MATHAYO 21:14

Niko vitungure na wakelemeri wikamchea Hekalunyi, nao ukawiboisa.

ZABURI 50:23

Mundu unifunyiragha vizongona va chawucha, wadanineka ishima, na uo uboisagha mighendo yake, nichammbonyera kukia kwapo.”

ZABURI 50:15

Kuniwange ituku kwapatwa ni wasi, nani nichakukira na oho kuchanikasa.”

KUFUMA 24:10

wikammbona Mlungu wa Waisraeli. Andu orewadirieghe korekoghe seji ni sakafu ya magho gha zoghori gha buluu sa mawingunyi.

KUZOYA 33:20

Ukaagha madhabahu ukaghiwanga irina jake El-Elohe-Israeli.

KUZOYA 32:28

Uja mundu ukamzera, “Ndekuchaawangwa Jakobo sena, ela kuchawangwa Israeli, angu kwasimana na Mlungu na wandu kukasima.”

MATHAYO 8:10

Jesu uendasikira agho, ukashinika ukawizera wandu werekoghe wikimnugha, “Namghoria loli, jingi siwonie mndungi kwa Israeli uko na irumirio sa iji anduangi.

MATHAYO 9:32

Nao iji wandu werekoghe wikighenda chia rawo, wamu wikamredia mundu umu orekoghe kituri, angu orekoghe na pepo izamie.

MATHAYO 15:30

Izungu ibaa ja wandu wikamchea wikimredia wakelemeri, vitungure, watighini, vituri na wazima wengi werekoghe wakongo wikawiwika maghunyi kwa Jesu, nao ukawiboisa.