MATHAYO 13:54 - Biblia Ilagho Jiboie Kwa Wandu Wose

⁵⁴ ukaghenda mzinyi kwawo. Ukakaia ukiwifundisha wandu andenyi ya sunagogi yawo, hata wikashinika wikighamba, “Mundu uhu wapatire hao hikima ihi na awa weke mwakilimbiti?

MATHAYO 13:54 Referans Kwoze

MATHAYO 7:28

Nao iji Jesu waghimeria malagho agho, jija izungu ja wandu wikashinika kwa wundu ghwa agho mafundisho ghake;

MATHAYO 4:23

Nao Jesu ukaghenda Galilaya kose ukifundisha andenyi ya sunagogi rawo, ukichila Ilagho Jiboie ja Wuzuri ghwa Mlungu. Ukaboisa kula mbari ya makongo na saka rerekoghe kwa wandu.

MATHAYO 2:23

ukakaia muzi ghuwangwagha Nazareti; eri malagho ghighorelo ni walodi ghikatisho ghighambagha, “Uchawangwa Mnaziri.”

ZABURI 22:22

Nichawighoria wanidu malagho kubonyere, na kukukasa andenyi ya ikwanyiko.

MABONYO GHA WADUMI 13:46

Hata huwo saki, Paulo na Barnaba wikaghora kwa wuwana wikighamba, “Erekoghe suti ilagho ja Mlungu jighoro konyu kande. Idana angu mwajilegha, na kukutanya inyo mmbeni kukaia wandu msefwane irangi ja kala na kala, olenyi diaghenda kwa wandu wa mbari zima.

MABONYO GHA WADUMI 4:13

Nao iji waghuwona wuwana ghwa Petro na Johane, na kumanya seji ni wandu wa kawaida wisena kishomo chingi, wikashinika; wikawitambua kukaia ni wandu werekwanyeghe na Jesu.

JOHANE 1:11

Orechieghe kwa isanga jake, ela wandu wake weni ndeweremmbusireghe anduangi.

1 SAMUELI 10:11

Wandu weremmanyireghe kiimbiri, wiendammbona ukifunya wulodi chiaimweri na walodi wikaghamba, “Mwana wa Kishi wawonieki ngawandu! Huwo Sauli nao moni ni umu wa walodi?”

LUKA 2:47

Na wose weremsikireghe, wikashinika kwa uko kumanya kwake na uko kutumbulia kwake wori.