MATHAYO 12:30 - Biblia Ilagho Jiboie Kwa Wandu Wose

³⁰ Uo useko andwamweri nani wadalwa nani; na uo usekwanyagha andwamweri nani wadasaghisa.

MATHAYO 12:30 Referans Kwoze

MARKO 9:40

Angu uo ose uselwagha nesi, oko cha kodu.

LUKA 11:23

Uo disekwanye wadalwa nani, na uo usetumbanyagha andwamweri nani, wadasaghisa.

LUKA 9:50

Ela Jesu ukamzera, “Kusakemkania, angu uo ose usemtangalagha, ni onyu.”

MATHAYO 6:24

“Mndungi ndedimagha kuwidumikia weke Bwana wawi; kwa kukaia uchazamilwa ni uhu, na kumkunda uja; angu uchakufunya kwa umu, na kummenya uja mzima. Nenyo ndemdimagha kumdumikia Mlungu na mali anduangi.

JOSHUA 24:15

Na ikakaia mwalegha kumdumikia, msaghuo idime iji ngera ni milungu iyo eredumikiloghe ni weke ndeyo aho Mesopotamia angu ngera ni milungu ya Waamori awo mwawuyakaia isanga jawo; ela ini na nyumba yapo nichamdumikia BWANA.”

1 JOHANE 2:19

Awo wandu werefumieghe kodu, ela ndewerekoghe wa kedu anduangi; ngera wedeeka wa kedu, kumangu waduanyagha nesi. Ela werefumieghe, eri wipate kuwoneka worinyi kukaia awo wose si wa kedu anduangi.

JOSHUA 5:13

Nao iji Joshua wavika kaavui na Jeriko, ukawona mndumu uko na lufu imbiri kwake. Ukamghendia na kumkotia, “Welee, oho koko luwaru lodu angu luwaru lwa wamaiza wedu?”

KUZOYA 49:10

Juda ndechaatana na mzata ghwa nguma, na uo ubonyagha nguma ndechaasoweka kwake anduangi. Hata uche mundu waro moni, uo uchaasikirwa ni wandu wose.

JOHANE 11:52

hata si kwa mbari yawo iekeri anduangi, ela uwikwanye chiaimweri awo wana wa Mlungu wisaghisikie.

HOSEA 1:11

Wandu wa Israeli na wandu wa Juda wichakwanywa chiaimweri, nawo wichakusaghuya weni m'baa umweri. Wichazoghua na kuwona nicha isangenyi. Loli ituku ja Jezreeli jichakaia ibaa.

MAKATANISHO 11:24

Mndumu uakaia na ishima jeneka mali rake, na ii chia mali riachurikia kuchumba; umu ualegheria, na ii chia uawuya mkiwa na kuchumba.

MATHAYO 12:29

“Angu idimika wada mundu kuingia nyumba ya mundu uko nandighi umsoke mali rake, usemfungie kande uja mundu uko na ndighi? Niko uchadima kumsoka mali rake.

ZABURI 94:16

Nani uchaakufunya unitesie kulwa na wawiwi? Nani uchaanitesia kulwa na wabonyi kiwiwi?