MATHAYO 12:28 - Biblia Ilagho Jiboie Kwa Wandu Wose

²⁸ Ela ikakaia nadariwinga pepo kwa ndighi ra Roho wa Mlungu, huwo mmanye angu wuzuri ghwa Mlungu ghwameria kumchea.

MATHAYO 12:28 Referans Kwoze

LUKA 11:20

Ela ikakaia naawuyariwinga kwa ndighi ra Mlungu, aho loli Wuzuri ghwa Mlungu ghwameria kumchea.

DANIELI 7:14

Ukanekwa kubonya nguma, na wubaa, na wuzuri; eri wandu wa mbari rose, na kichuku na viteto, wipate kumdumikia. Kubonya nguma kwake ni kwa kala na kala, na wuzuri ghwake ndeghuchaanoneka anduangi.

MATHAYO 21:43

“Niko huwu namzera, Wuzuri ghwa Mlungu ghuchainjwa konyu ghuneko mbari zima ivagha matunda gharo.” [

MATHAYO 6:33

Wulalo ghwa agho, lolenyi kande wuzuri ghwa Mlungu na hachi yake, na vilambo vose mchanekwa.

MABONYO GHA WADUMI 10:38

Seji Mlungu oremshingieghe Jesu wa Nazareti mavuda kwa Roho Mweli, na kwa ndighi; nao ukamara-mara ukibonya nicha, na kuwiboisa wose werekorongeloghe ni uja Mmbiwi, angu Mlungu orekoghe andwamweri nao.

WAKOLOSAI 1:13

Nao wadikirie kufuma kwa iro ndighi ra kira, ukadibarisha na kudingira andenyi ya wuzuri ghwa Mwana wake mkundwa;

WAROMA 14:17

Angu wuzuri ghwa Mlungu si kuja na kunywa anduangi, ela ni hachi, na sere, na kuboilwa andenyi ya Roho Mweli;

LUKA 16:16

“Sharia na maandiko gha walodi verekoghe hata ngelo ya Johane M'baputizi; kufuma aho, malagho mecha gha Wuzuri ghwa Mlungu ghaawuyachilwa, na kula umu wadaghungia kwa kufunga ndighi.

MARKO 1:15

ukighamba, “Ngelo yakatia na wuzuri ghwa Mlungu ghwavika kaavui; heenyi mjirumirie Ilagho Jiboie.”

MATHAYO 21:31

Welee, kwa waja wana wawi ni uao ubonyere lukundo lwa ndee?” Wikatumbulia, “Ni uja wa imbiri.” Jesu ukawizera, “Namghoria loli, wawadi wushuru na malaya wamkiria kungia kwa wuzuri ghwa Mlungu.

LUKA 9:2

Ukawiduma kuchila Wuzuri ghwa Mlungu na kuboisa wakongo.

MARKO 16:17

Na alama iri richawinugha awa wirumiriagha: kwa irina japo wichawinga pepo, na wichaghora na chumi mbishi.

DANIELI 2:44

Matuku gha awo wazuri, Mlungu wa mlungunyi uchawika wuzuri ghusechaanonwa jingi, hata nguma raro nderichaasighilwa mndungi. Wuzuri ugho ghuchachikanya-chikanya agha mawuzuri ghose, na kughimeria; nagho ghuchadua kwa kala na kala.

WAEBRANIA 12:28

Kwa huwo ndedifunye chawucha na kuboilwa kwa kuwusa wuzuri ghusedimagha kusughuswa; nesi ndedimtase Mlungu kwa chia im'boiagha, kwa ishima, na kuobua;

LUKA 10:11

‘Hata na teri ya muzi ghonyu iyo yakakadia maghu ghedu damghughuduya, ela sena manyenyi angu Wuzuri ghwa Mlungu ghwameria kucha kaavui.’

MARKO 11:10

Ndeghurasimilo ughu wuzuri ghuchagha ghwa aba odu Daudi. Hosana Uo-Uko-Aighu-Nandighi.”

MATHAYO 12:18

“Wonenyi mdumiki wapo uo nimsaghue wangolo wapo, uo uniboiagha ngolonyi. Nichaiwika Roho yapo aighu kwake, nao uchawighoria mbari rose matanyo ghapo gha hachi.

MATHAYO 4:24

Na sare yake ikaera isanga jose ja Siria, wandu wikamredia wakongo wa mbari rose werekoghe wikisirimika kwa pepo na kuzimia, andwamweri na wakelemeri. Jesu ukawiboisa wose.

MATHAYO 12:29

“Angu idimika wada mundu kuingia nyumba ya mundu uko nandighi umsoke mali rake, usemfungie kande uja mundu uko na ndighi? Niko uchadima kumsoka mali rake.

1 JOHANE 3:8

Mundu ubonyagha kaung'a ni wa Ibilisi, angu Ibilisi wadabonya kaung'a kufuma kuzoya. Kwa wundu ugho, Mwana wa Mlungu orewonekieghe worinyi, upate kurinona kazi ra Ibilisi.