MATHAYO 12:15 - Biblia Ilagho Jiboie Kwa Wandu Wose

¹⁵ Jesu ukimanya ilagho ijo, ukafuma aja. Wandu wengi wikamnugha, ukawiboisa makongo ghawo ghose;

MATHAYO 12:15 Referans Kwoze

MATHAYO 10:23

“Iji wandu wamtirira andenyi ya muzi ghumu, mughughendie muzi mzima. Namghoria loli, ndemchaameria mizi yose ya Israeli, imbiri Mwana wa Mdamu usechee.

JOHANE 11:54

Kwa huwu Jesu ndereselieghe worinyi kwa Wayahudi anduangi, ela orefumieghe aho ukaghenda kaavui na kireti, muzi ghuwangwagha Efraimu; ukakaia aho andwamweri na wanughi wake.

JOHANE 7:1

Nyuma ya agho, Jesu orekoghe ukimara-mara Galilaya, hata ndereghendieghe Judea anduangi; angu Wayahudi werekoghe wikimlola wim'bwaghe.

MATHAYO 19:2

Wandu wengi wikamnugha, nao ahoeni ukawiboisa.

MARKO 6:56

Na kula andu oreghendieghe, mizinyi angu mbuwenyi, wikawika wakongo masokonyi, wikimvoya wimuadade hata kidambi cha nguwo yake. Na awo weremuadadireghe, wikaboa.

1 PETRO 2:21

Angu moowangilwa maza iri; kwa kukaia Kristo wori oretiriroghe kwa wundu ghonyu, ukimsighia fwana, mpate kunugha chwau rake.

WAGALATIA 6:9

Nesi disesilo ni ndighi kubonya nicha, angu dichakuwida kwa ngelo yaro ikavika, iji dakaia disefue ngolo.

JOHANE 9:4

Ni suti dibonye kazi rake Uo orenidumieghe ndoe iko dime, angu kio chichacha, mndungi usechaadima kubonya kazi anduangi.

LUKA 6:12

Matuku agho, Jesu ukajoka mghondinyi kulomba, ukalomba Mlungu kio chee.

LUKA 5:22

Nao iji Jesu waghimanya maririkanyo ghawo, ukawikotia, “Kwaki mririkanyagha huwo ngolonyi konyu?

LUKA 9:11

Na jija izungu ja wandu wiendamanya, wikamnugha. Jesu ukawikaribisha na kuwighoria malagho gha wuzuri ghwa Mlungu, ukawiboisa awo werekundieghe kuboiswa.