MATHAYO 12:14 - Biblia Ilagho Jiboie Kwa Wandu Wose

¹⁴ Ela Mafarisayo wikafuma shighadi wikabonya njama seji wichaadima kumtotesha Jesu.

MATHAYO 12:14 Referans Kwoze

JOHANE 11:53

Nao kufuma aho, vilongozi va Wayahudi wikabonya mpango ghom'bwagha Jesu.

JOHANE 10:39

Nao wikatima kummbwada sena, ela ukafufunuka mikonunyi kwawo.

JOHANE 5:18

Kwa wundu ghwa madedo agho, Wayahudi wikachuria kulola chia em'bwagha, kwa kukaia Jesu ndereinonieghe Sabato cheni, ela hata Mlungu wadammbanga wei ni ndee, ukikubonya uo moni karakara na Mlungu.

LUKA 6:11

Ela wikachulwa ni machu loli-loli na kuja malagho wikilola wim'bonya wada Jesu.

MARKO 3:6

Nao ahoeni Mafarisayo wikafuma wikabonya njama na Wanjama wa Herode, seji widimagha kum'bwagha Jesu.

MATHAYO 26:4

Wikabonya njama emmbwada Jesu kwa mikalo wimmbwaghe.

JOHANE 11:57

Wakohani wabaa na Mafarisayo werekoghe wafunya momu angu mndungi ukamanya andu uko, uwighorie wipate kummbwada.

MATHAYO 27:1

Nao iji ndoe yaela, wakohani wabaa wose na waghosi wa wandu, wikabonya njama aighu ya Jesu wipate kum'bwagha;

MARKO 14:1

Idana, ghedesighwa matuku awi tu kuvikia Ndima ya Pasaka na ya Mikate Isewadie Chachu. Wakohani wabaa na walimu wa Sharia werekoghe wikilola chia emmbwada Jesu kwa wuya, wim'bwaghe.

LUKA 22:2

Wakohani wabaa na walimu wa Sharia werekoghe wikilola chia em'bwagha Jesu, angu werewiobueghe wandu.

JOHANE 7:30

Waja wandu wikakunda kummbwada, ela mndungi nderedimieghe kummbwada angu ngelo yake ndeerevikieghe anduangi.

JOHANE 7:32

Nao Mafarisayo wikasikira wandu wikihohoriana agho malagho gha Jesu, nawo chiaimweri na Wakohani wabaa wikaduma walindiri wimmbwade Jesu.

JOHANE 7:44

Wamu werekundieghe kummbwada, ela ndekorekoghe na ungi oredimieghe kummbwada anduangi.

JOHANE 8:59

Nao wikashoa magho wimlase, ela Jesu ukakuvisa, ukafuma Hekalunyi.

JOHANE 10:31

Nao Wayahudi wikashoa magho sena, wipate kumlasa.