MATHAYO 11:5 - Biblia Ilagho Jiboie Kwa Wandu Wose

⁵ Vitungure vawuyawona, wakelemeri wawuyaghenda, awa wiko na sima waawuyaeleshwa, awa wifue madu waawuyasikira, wafu waawuyarukishwa, na wakiwa wachililwa Ilagho Jiboie.

MATHAYO 11:5 Referans Kwoze

LUKA 4:18

“Roho wa Bwana oko aighu kwapo, angu orenishingieghe mavuda niwichilie wakiwa Ilagho Jiboie. Wanidumie niwighorie wafungwa malagho gha kufungulwa kwawo, na vitungure kupata kuwona kwawo, kuwifungua awa wikorongwagha;

ISAYA 29:18

Ngelo iyo, mundu usesikiragha uchasikira malagho ghikishomwa, na awo wiko vitungure wikaiagha kirenyi, meso ghawo ghichafunguka wiwone.

JAKOBO 2:5

Sikirienyi wanidu nimkunde: Welee, Mlungu nderewisaghueghe awo wiko wakiwa wa wurumwengu wipate kukaia Wazuri wa irumirio, na wandu wepata ifwa ja Wuzuri, ugho Mlungu uwilaghirie awo wimkundagha anguwada?

MATHAYO 21:14

Niko vitungure na wakelemeri wikamchea Hekalunyi, nao ukawiboisa.

JOHANE 10:38

ela ikakaia naribonya, hata ngera mwalegha kunirumiria, kumangu mwarirumiria iro kazi reni, mpate kumanya angu Aba oko andenyi kwapo, na ini andenyi kwake.”

JOHANE 10:25

Jesu ukawitumbulia, “Namerie kumghoria nenyo ndemrumiriagha anduangi. Iro kazi niribonyagha kwa irina ja Aba, niro reni rinishuhudiagha ini.

JOHANE 5:36

“Ela neko na wushuhuda m'baa kuchumba ugho ghwa Johane. Angu iro kazi niribonyagha, iro Aba oreninekieghe niribonye, niro reni rinishuhudiagha kukaia uo orenidumieghe ni Aba.

JOHANE 3:2

Ukamghendia Jesu nakio ukamzera, “Rabi, dakumanya angu ko mwalimu udumilo kufuma kwa Mlungu, angu ndekuwadie mndungi udimagha kubonya weke mwakilimbiti awa kuwibonyagha, isaakaia Mlungu oko andwamweri nao.”

JOHANE 2:23

Nao iji Jesu orekoghe Jerusalemu kwa Ndima ya Pasaka, wandu wengi weremrumirieghe kwa kuwona awo weke mwakilimbiti orewibonyereghe;

MARKO 9:25

Hata iji Jesu wawona izungu jikimtindiria, ukaikemia ija pepo izamie, “Ee pepo kituri kusesikiragha, ini nakuzera, mfume mwana uhu, hata na jingi kusakemmburia.”

MARKO 7:37

Wandu wikashinika nandighi loli-loli, wikighamba, “Wadabonya maza rose nicha: wadabonya hata wifue madu wisikire, na vituri widede.”

MATHAYO 10:8

Wiboisenyi wakongo, wirukishenyi wafu, wieleshenyi awo wiko na sima, riwingenyi pepo. Mwanekelo duu, mfunye duu.

MATHAYO 9:30

Meso ghawo ghikatambuka. Nao ukawilaghira na ndighi, “Msemghorie mndungi ilagho iji.”

ISAYA 66:2

Ni ini moni nerevibonyereghe vilambo ivi vose, na vose ni vapo. Ini nadaboilwa ni mundu ukuserie, uko na roho ya wumboa na kusughusikia ilagho japo.

ISAYA 43:8

Mlungu waghamba, “Wiredenyi wandu wapo wiko na meso ela ndewiwonagha, awo wiko na madu ela ndewisikiragha.

ZABURI 146:8

na kuwitambua vitungure meso. BWANA wadawiwusira awo wighwaghwa; na kuwikunda wahachi.

ZABURI 22:26

Wakiwa wichaja na kughuda; awo wimlolagha BWANA, wichamkasa. Awo ndewiduo kwa kala na kala.

2 WAZURI 5:14

Nao ukaghenda na kukungira Jordani mando mfungade, karakara na ilagho ja mundu wa Mlungu, na mumbi ghwake ghukawuya ghudendere sa ghwa mwana mtini; ukaeleshwa.

2 WAZURI 5:7

Mzuri wa Israeli uendashoma iyo barua, ukarashua nguwo rake ukikambwa ni chongo na kughamba, “Kwani ini neeka Mlungu nidimagha kubwagha na kukaisha moyo, hata umundu unidumie mundu wake wei nim'boise wukongo ghwake ghwa sima? Zighanenyi mmbone kukaia umundu waawuyanilola zua.”

MATHAYO 5:3

“Warasimilwa awa wimanyagha weko wakiwa rohonyi; angu wuzuri ghwa mlungunyi ni ghwawo.

MABONYO GHA WADUMI 2:22

“Sikirenyi malagho agha inyo wandu wa Israeli: Jesu wa Nazareti, ni mundu oremanyishiroghe worinyi konyu ni Mlungu kwa mabonyo gha ndighi, alama na mashiniko Mlungu oreribonyereghe kwa kumtumia aghadi konyu sa iji koni mwawuyamanya.

ZEKARIA 11:7

Awo wandu wereghueghe na kuuza ng'ondi wikaniandika kazi; ngawuya mlisha wa ng'ondi riendaabwaghwa. Ngawada vangu viwi; chimu ngachiwanga “Mvono” na chimu ngachiwanga “Wumweri.” Ngalisha ng'ondi.

KUFUMA 4:11

BWANA ukamzera, “Nani ubonyere momu ghwa mdamu? Nani um'bonyagha ukaie kituri angu usesikiragha, angu uwonagha, angu kitungure? Welee, si ini moni BWANA anguwada?

ISAYA 29:19

Wandu wikuserie wichapata maboilo kufuma kwa BWANA, na wakiwa wichamkasa Uo Mlungu wa Israeli kwa kuboilwa.

MATHAYO 11:4

Jesu ukawitumbulia, “Ghendenyi mumghorie Johane malagho mwaghisikira na kughiwona:

MATHAYO 12:13

Niko ukamzera uja mundu, “Ghorua mkonu ghwako.” Nao ukaghughorua nagho ghukaboa na kukaia karakara na ghuja ghumu.

JOHANE 9:7

ukamzera, “Ghenda ndiwa ya Siloamu, kuoghe wushu” (kutambua kwaro irina ijo ni “Udumilo.”) Nao ukaghenda ukaogha, ukawuya ukiwona.