MATHAYO 10:5 - Biblia Ilagho Jiboie Kwa Wandu Wose

⁵ Awa ikumi na wawi Jesu ukawiduma ukiwilaghira, “Msakeghenda kwa wandu wa mbari zima, hata msakeghenda muzi ghungi ghwa Wasamaria.

MATHAYO 10:5 Referans Kwoze

JOHANE 4:9

Uja muka ukamzera, “Yakaia wada oho Myahudi kunilomba machi ini Msamaria?” (angu Wayahudi ndewikaiagha na wungara ghungi na Wasamaria anduangi.)

1 WATHESALONIKE 2:16

kwa kudighiria isi diseghore na wandu wa mbari zima, wichepata kukia; eri wipate kuchichura kipimo cha kaung'a rawo sa matuku ghose. Ela kutua, wamerie kuchelwa ni machu gha Mlungu.

LUKA 17:16

ukaghwa kiwushu-wushu maghunyi kwake Jesu, na kumfunyira chawucha. Nao orekoghe Msamaria.

MABONYO GHA WADUMI 10:45

Na warumirii, awa werechanyeghe na Petro, nawo ni wandu wishamishiro wikashinika; angu inosi ja Roho Mweli jerediriloghe hata kwa awo wandu wa mbari zima wori.

LUKA 9:2

Ukawiduma kuchila Wuzuri ghwa Mlungu na kuboisa wakongo.

MABONYO GHA WADUMI 1:8

Ela mchapata ndighi, iji Roho Mweli wamchea aighu konyu; nenyo mchakaia washahidi wapo andenyi ya Jerusalemu, Judea kose, Samaria, na hata kutua kwa ndoenyi.”

JOHANE 20:21

Jesu ukawizera sena, “Sere ndeikaie konyu. Sa iji koni Aba orenidumieghe ini, niko koni namduma inyo.”

JOHANE 7:35

Nao vilongozi va Wayahudi wikaghamba weni na weni, “Mundu uhu uchaghenda hao isi disedimagha kuvika? Welee, uchaghenda kwa Wagriki andu wamzedu wiko, upate kuwifundisha Wagriki?

JOHANE 4:5

Nao ukavika Saika muzi ghumu ghwa Samaria, kaavui na ija mbuwa Jakobo oremnekieghe mwana wake Josefu.

LUKA 10:33

Ela Msamaria umu ukidamba charonyi ukavika andu orekoghe, na iji wammbona, ukangilwa ni wughoma,

MATHAYO 4:15

“Isanga ja Zebluni na isanga ja Naftali, kulangaya baharinyi, kimonu cha Jordani, Galilaya ya mbari zima!

MABONYO GHA WADUMI 8:1

Na Sauli orekoghe ukirumiriana na kubwaghwa kwake. Ituku jija jeni, Ikanisa jerekoghe andenyi ya Jerusalemu, jikazoya kutirirwa nandighi loli-loli; na warumirii wikasaghisika Judea kose na Samaria, wikaasighwa wadumi weni.

JOHANE 8:48

Nao Wayahudi wikamzera, “Welee, dikaghamba angu oho ko Msamaria, sena koko na pepo si loli anguwada?”

JOHANE 4:20

Weke aba wedu werekoghe wikitasira aighu ya ughu mghondi, nenyo mwadaghamba wei Jerusalemu niko andu kufwane kotasira Mlungu.”

LUKA 10:1

Nao nyuma ya agho, Jesu ukawika wazima sena wandu mirongo mfungade, ukawiduma wawi-wawi wimkirie kughenda iyo mizi orekundieghe kuighenda.

MATHAYO 22:3

ukawiduma wadumiki wake wiwiwange awo werekaribishiroghe kwa iyo karamu ya arusi, ela wikalegha kucha.

MARKO 6:7

Ukawiwanga waja wanughi ikumi na wawi wimchee, ukazoya kuwiduma wawi-wawi, ukawineka ndighi aighu ya pepo ra makakala.

LUKA 9:1

Nao Jesu ukawiwanga chiaimweri waja wanughi ikumi na wawi, ukawineka ndighi na nguma aighu ya pepo rose na kuboisa makongo.

JOHANE 17:18

Sa iji oho korenidumieghe wurumwengunyi, nani wokoni nawiduma awo wurumwengunyi;