MATHAYO 10:36 - Biblia Ilagho Jiboie Kwa Wandu Wose

³⁶ Na wamaiza wa mundu wichakaia awo wandu wa nyumbenyi kwake.

MATHAYO 10:36 Referans Kwoze

MIKA 7:6

Ngelo iri, wana wawuyawibonya weke ndee sa wakelu; wai wiatangala weke mae, waka wa wana wiarashana na wakeku wawo. Wamaiza wa mundu ni aweni wa nyumbenyi kwake.

JEREMIA 12:6

Kwa kukaia wanyinyu, ni wandu wa nyumbenyi kenyu, hata awo weni wakubonyere mikalo, waawuyakema wikilwa na oho; kusewiwurie hata ngera wakuja malagho ghiboie.”

ZABURI 41:9

Hata mghenyi wapo wa ngolonyi, umoni neremrumirieghe dikajanya vindo vapo, waghalukie ulo nani.

ZABURI 55:13

Ela ni oho kumoni mngara wapo, mndwapo moni na mghenyi wapo dimanyane.

2 SAMUELI 16:11

Daudi ukamzera Abishai na wabaa wake wose, “Ikakaia mwana wapo tiki waawuyalola kunifunya irangi japo, ni kuchumba saki uhu M'benjamini? Msighenyi uniewie, kewada ni BWANA wamzera.

JEREMIA 20:10

Kwa kukaia nasikira wandu wengi wikihohoria, “Kiture changia kula andu! Nndokonyi dimghore kwa wabaa, nndokonyi dimghore!” Waghenyi wapo wa ngolonyi waghamba wikiweseria kughwa kwapo, “Kewada uchakalilwa nesi dichamsima, dipate kulipa kisasi aighu yake.”

1 SAMUELI 17:28

Nao Eliabu, uja mruna m'baa wa Daudi, ukamsikira Daudi ukidedanya na wandu, nao ukajokwa ni machu aighu ya Daudi, ukamzera, “Kwaseabonyaki aha? Rija ng'ondi ndinieri kwarisighanya nani kireti? Nakuichi seji kukudukie na seji kuzamilo ni ngolo; kwa kukaia kwaaredwa tu ni kuchawona wuda.”

KUZOYA 3:15

Nichawika wumaiza aghadi yako na uo muka, na aghadi ya kivalwa chako na kivalwa chake. Uo uchachibara chongo chako, na oho kuchamluma ghimbe yake.”

JOHANE 13:8

Petro ukamzera, “Na jingi ndekuchaanioghosha maghu ghapo anduangi.” Jesu ukamzera, “Ngera nisekuoghoshagha maghu-lee, ndekuna wungara ghungi na ini anduangi.”

ISAYA 19:2

BWANA waghamba, “Nichawinyavurisha Wamisri, nawo wichalwa weni na weni, wichalwa mundu na mruna, na mundu na mmbao. Muzi kwa muzi na wuzuri kwa wuzuri.

MATHAYO 10:21

“Mundu uchamfunya mruna ubwagho, na ndee mwana uchamfunya mwana wake, wana wichawighalukia wavi wawo na kuwifunya wibwagho.