MATHAYO 10:2 - Biblia Ilagho Jiboie Kwa Wandu Wose

² Marina gha wadumi ikumi na wawi nigho agha: Wa imbiri Simoni uwangwagha Petro, na Andrea mruna, Jakobo na Johane wana wa Zebedayo;

MATHAYO 10:2 Referans Kwoze

MABONYO GHA WADUMI 1:13

Hata iji wameria kuvika, wikajoka na kungia chumba cha gorofenyi; andu werekoghe wikikaia: Petro, Johane, Jakobo, Andrea, Filipo, Tomasi, Bartholomayo, Mathayo, Jakobo wa Alfayo, Simoni Zelote, na Juda wa Jakobo.

MATHAYO 4:21

Ukaghenda imbiri katini ukawiwona wandu wawi sena mundu na mruna, Jakobo na Johane wana wa Zebedayo, wikiriboisa nyavu rawo. Jesu ukawiwanga,

JOHANE 12:22

Filipo ukaghenda na kumghoria Andrea, nawo wose wawi wikacha na kumghoria Jesu.

JOHANE 6:8

Umu wa wanughi wake uwangwagha Andrea mruna Simoni Petro ukamzera,

LUKA 5:10

Na huwo koni Jakobo na Johane wana wa Zebedayo wereshinikieghe. Jesu ukamzera Simoni, “Kusakeobua, angu kufuma idana kuchakaia mmbwadi wandu.”

MATHAYO 4:18

Nao iji Jesu orekoghe ukisela mbai na mbai ya ndiwa ya Galilaya, ukawiwona wawadi samaki wawi, mundu na mruna; Simoni (uwangwagha Petro), na mruna Andrea; werekoghe wikiwada samaki kwa nyavu ndiwenyi.

LUKA 11:49

Kwa wundu ughu hikima ya Mlungu ereghambieghe, ‘Nichawidumia walodi na wadumi; wamu wawo wichawitirira na kuwibwagha,’

WUFUNUO 1:9

Ini Johane mwanyinyu, mngara onyu andenyi ya Jesu, kwa agho matiriro, na ugho Wuzuri, na uko kurumaghia luma; nerekoghe andenyi ya kisiwa chiwangwagha Patimo, kwa wundu ghwa ijo ilagho ja Mlungu, na ugho wushuhuda ghwa Jesu.

2 JOHANE 1:1

Ini mghosi, nakuandikia oho mkeku msaghulwa na wana wako, niwikunde kwa loli; hata si ini moni niekeri anduangi, ela na awo wose wiimanyagha iyo loli wori;

2 PETRO 1:1

Ini Simoni Petro, mdumiki na mdumi wa Jesu Kristo, nawiandikia awo wimerie kupata irumirio ja zoghori mbaa jija jeni diko najo kwa chia ya Mlungu odu na Mkiri Jesu Kristo.

1 PETRO 1:1

Ini Petro mdumi wa Jesu Kristo, nawiandikia awo wiwingilo na kusaghisika masanga gha Ponto, Galatia, Kapadokia, Asia, na Bithunia.

WAEBRANIA 3:1

Kwa huwu wanidu waeli, wangara wa uko kuwangwa kwa mlungunyi, mririkanyenyi Jesu, uo mdumi na Mkohani M'baa wa kurumiria kodu.

WAEFESO 4:11

Na manosi ghake gherekoghe wamu wikaie wadumi, wamu wikaie walodi, wamu wikaie wachili wa Ilagho Jiboie, wamu wikaie walisha, na wamu wikaie walimu;

1 WAKORINTHO 15:7

Konyuma ukamfutukia Jakobo, na huwo koni wadumi wose.

MABONYO GHA WADUMI 12:2

Ukam'bwagha Jakobo mruna Johane kwa lufu.

MABONYO GHA WADUMI 3:1

Ituku jimu, Petro na Johane werekoghe wikijoka kughenda Hekalunyi ngelo ya kulomba saa ikenda.

MABONYO GHA WADUMI 1:26

Wikakaba kura, nayo ikamghuya Mathia, nao ukatalwa andwamweri na waja wadumi ikumi na umweri.

JOHANE 21:24

Uhu nuo uja mnughi ushuhudiagha maza iri, na kuriandika. Nesi damanya angu agho ughighorie ni gha loli.

JOHANE 21:20

Nao Petro ukazighana na nyuma ukammbona uja mnughi mzima orekundiloghe ni Jesu ukinugha-ni uja mnughi orekoghe kaavui na Jesu ngelo ya vindo va nakenyi ukimkotia Jesu, “Bwana, nani ukufunyagha?”

JOHANE 21:2

Simoni Petro, Tomasi (uwangwagha Masa), Nathanaeli mundu wa Kana ya Galilaya, wana wa Zebedayo, na wanughi wake wawi sena, werekoghe chia imweri.

JOHANE 20:2

Nao ukawuya na iseghe, ukawighoria Petro na uja mnughi orekundoghe ni Jesu ukighamba, “Wamfunya Bwana kaburinyi, nesi ndedimanyire andu wammbika anduangi.”

JOHANE 13:23

Umu wa wanughi, uo Jesu oremkundieghe, orekoghe wasea kidombo kaavui na Jesu.

LUKA 22:14

Ngelo yaro iendavika, Jesu ukasea kidombo kuja andwamweri na wadumi wake,

LUKA 22:8

Jesu ukawiduma Petro na Johane ukighamba, “Ghendenyi mudiboisire Ndima ya Pasaka dipate kuja.”

LUKA 9:10

Waja wadumi wiendawuya, wikamghoria Jesu malagho ghose wereghibonyereghe. Jesu ukawidwa wiekeri na kuwighenja muzi ghuwangwagha Bethsaida.

MARKO 13:3

Nao iji Jesu orekoghe kidombo aighu ya Mghondi ghwa Mizeituni, chija kimonu kulangaya cha Hekalunyi, Petro, Jakobo, Johane, na Andrea, wikamruda njama wikamkotia,

MARKO 1:29

Hata iji Jesu na wanughi wake wameria kufuma sunagoginyi, wikaghenda na kungia nyumbenyi kwa Simoni na Andrea, wikwanye andwamweri na Jakobo na Johane.

MATHAYO 26:37

Nao ukawidwa Petro na waja wana wawi wa Zebedayo, ukazoya kuja wasi na kusumbuka.

MATHAYO 20:20

Niko aho ukacha mka-Zebedayo na wana wake wawi, ukamdungia Jesu ngokoro ukimlomba ilagho jimu.

MATHAYO 17:1

Nao nyuma ya matuku arandadu, Jesu ukawidwa Petro, Jakobo, na Johane mruna; ukawidwa weni wiekeri aighu ya Mghondi m'baa.

WUFUNUO 22:8

Ni ini moni Johane neresikireghe na kuriwona maza iri. Nani iji neresikireghe na kuriwona, nereghueghe kijimijimi maghunyi kwa uo malaika oreniwonyereghe maza iri, nani ngakunda nimtase.

WUFUNUO 1:1

Wufunuo ghwa Jesu Kristo, ugho Mlungu oremnekieghe uwiwonyere wadumiki wake iro maza riko suti rikaie kafwani. Na Kristo ukamduma malaika wake urimanyishe kwa mdumiki wake Johane;

3 JOHANE 1:1

Ini mghosi, nakuandikia oho mkundwa Gayo nikukunde kwa loli.

WUFUNUO 18:20

Boilonyi aighu yake inyo mlungunyi, inyo waeli, wadumi na walodi; angu Mlungu wamtanya kwa wundu ghonyu.”

MARKO 6:30

Niko waja wadumi wikawuya kwa Jesu, wikamghoria ghose werebonyereghe na kufundisha.

JOHANE 6:67

Nao ukawizera waja wanughi ikumi na wawi, “Welee, nenyo wori mookunda kughenda?”

JOHANE 6:70

Jesu ukawitumbulia, “Welee, si ini moni neremsaghueghe inyo ikumi na wawi? Ela sena umu onyu ni Mmbiwi!”

JOHANE 6:71

Aho orekoghe ukimghora Juda mwana wa Simoni Iskarioti, angu nuo moni wa waja ikumi na wawi uchaamfunya.