MATHAYO 10:18 - Biblia Ilagho Jiboie Kwa Wandu Wose

¹⁸ Mchaghenjwa imbiri ya awo wibonyagha nguma na wazuri kwa wundu ghwapo; mpate kujichila ijo Ilagho Jiboie kwawo na kwa mbari zima wori.

MATHAYO 10:18 Referans Kwoze

MARKO 13:9

“Ela manyenyi mkulindie inyo mmbeni, angu wandu wichamfunya mandunyi, na kumkaba andenyi ya masunagogi. Mchakaia kimusi imbiri ya wabonyi nguma na wazuri kwa wundu ghwapo, mpate kuwishuhudia.

MATHAYO 8:4

Jesu ukamzera, “Kusakemghoria mndungi ilagho jingi; ela ghenda kukuwonyere kwa mkohani, kufunye ivo vizongona vilaghirilo ni Musa, ghukaie wushuhuda kwa wundu ghwa kueleshwa kwako.”

WUFUNUO 11:7

Hata iji wameria wushuhuda ghwawo, ija nyamandu ifumagha andenyi ya icho kina cha abuso, ichabonya wuda nawo, na kuwisima; na kuwibwagha.

WUFUNUO 6:9

Hata iji uo Mwana wa Ng'ondi oreghufungueghe ugho muhuri ghwa kasanu, nerewonieghe aisi ya madhabahu roho ra wandu werebwaghiloghe kwa wundu ghwa ijo ilagho ja Mlungu, na kwa wundu ghwa wushuhuda werekoghe nagho;

WUFUNUO 1:9

Ini Johane mwanyinyu, mngara onyu andenyi ya Jesu, kwa agho matiriro, na ugho Wuzuri, na uko kurumaghia luma; nerekoghe andenyi ya kisiwa chiwangwagha Patimo, kwa wundu ghwa ijo ilagho ja Mlungu, na ugho wushuhuda ghwa Jesu.

2 TIMOTHEO 1:8

Idana kusakewona waya kumshuhudia Bwana odu, hata kusakeniwonia waya ini mfungwa wake, ela kurumaghie wasi kwa ndighi ra Mlungu, kwa wundu ghwa ijo Ilagho Jiboie.

ZABURI 119:46

Sena nichawighoria wazuri memu yako, hata sichaafwa waya anduangi.

MATHAYO 10:17

Mkulindie na wadamu, angu wichamghenja mandunyi nawo wichamkaba na viboko andenyi ya sunagogi rawo.

MATHAYO 10:19

Ela iji wamghenja mandunyi, msekambo ni chongo wei mghora wada; angu ngelo yaro ikavika, mchanekwa gha kughora.