MATHAYO 1:21 - Biblia Ilagho Jiboie Kwa Wandu Wose

²¹ Nao uchava mwana wa womi, na oho kuchammbanga irina jake Jesu, angu nuo uchaawikira wandu wake kufuma kaung'enyi rawo.”

MATHAYO 1:21 Referans Kwoze

MABONYO GHA WADUMI 13:23

Kufumanya na kivalwa cha mundu uo, Mlungu wawiredie Waisraeli Mkiri, sa iji koni orelaghirieghe; nao nuo Jesu.

MABONYO GHA WADUMI 4:12

Hata ndekuwadie kukia kwa mzima ungi anduangi, angu ndekuwadie irina jingi izima wurumwengunyi kose, jinekelo wadamu jidimagha kudikira.”

JOHANE 1:29

Nakesho yaro, Johane ukammbona Jesu ukimchea ukaghamba, “Zighanenyi Mwana wa ng'ondi wa Mlungu, uinjagha kaung'a ra wurumwengu.

1 JOHANE 3:5

Nenyo mwamanya angu Kristo orewonekieghe worinyi upate kuriinja kaung'a, na andenyi kwake ndekuwadie kaung'a ingi anduangi.

LUKA 2:21

Hata iji ituku ja wunyanya jerevikieghe, wikamshamisha na kummbanga irina jake Jesu, sa iji koni jereghoreloghe ni malaika imbiri ya uo kuamwa kifunyi.

MABONYO GHA WADUMI 5:31

Nao moni, Mlungu oremjosereghe nandighi kwa mkonu ghwake ghwa kiwomi ukaie Kilongozi na Mkiri, uwineke Waisraeli kuhea na kulekelwa kaung'a.

LUKA 1:31

Ola kuchakaia na kifu, kuve mwana wa womi, nao kuchammbanga irina jake Jesu.

TITO 2:14

Uo orekufunyireghe moni kwa wundu ghodu, upate kudikombua kufuma kwa makosa ghose, na kukueleshera moni wandu wake, awo wifungagha ndighi kwa mabonyo mecha.

LUKA 2:11

angu idime koni, Mkiri wavalwa kwa wundu ghonyu mzinyi kwa Daudi, na ni Kristo Bwana.

1 JOHANE 1:7

Ela dikaghenda na mwengere, sa iji koni uo uko mwengerenyi, dichakaia na wungara diweni na diweni, na bagha ya Jesu Mwana wake, iadioghoshagha kaung'a rose.

ZEKARIA 9:9

Zumenyi ee wandu wa Sioni! Kemenyi kwa kuboilwa inyo wandu wa Jerusalemu! Wonenyi mzuri onyu uamchea! Oko na wusimi m'baa; ela ni mmboa nao wajoka aighu ya punda; punda mtini, mwana wa punda.

MABONYO GHA WADUMI 3:26

Mlungu umeria kummbusira Mdumiki wake, oremdumieghe konyu kande, upate kumrasimia kwa kumghalua kula umu onyu utane na wuwiwi ghwake.”

WUFUNUO 7:14

Nani ngamzera, “Bwana oho kwamanya.” Nao ukanizera, “Awa niwo waja wandu wifumie matirironyi mabaa, nawo warioghoshere nguwo rawo, na kuribonya kukaia ra chokwa kwa bagha ya Mwana wa Ng'ondi.

WAEBRANIA 7:25

Kwa chia io, wadima kuwikira ngelo rose awo wimsoghoderagha Mlungu wikiidia kwake; kwa kukaia uo wadua moyo matuku ghose, upate kuwilombia.

DANIELI 9:24

“Miaka mirongo mfungade mando mfungade ni ngelo iwikilo ewifungua wandu wako na muzi ghwako ghwa wueli wifume kaung'enyi na wuwiwinyi. Kaung'a ichalekwa, na hachi ya kala na kala kumangishwa, mawono na wulodi ghipate kukatia, na kumshinga mavuda uo Mweli.

JEREMIA 23:6

Matuku ghake Juda uchakirwa, na Israeli uchakaia banana; nao uchawangwa kwa irina iji, ‘BWANA nuo hachi yedu.’

KUZOYA 18:10

BWANA ukamzera, “Kwa loli kimu sa ichi nichakuwuria na mkako Sara uchakuvaia mwana wa womi.”

LUKA 1:13

Ela uja malaika ukamzera, “Kusakeobua Zakaria, kwa kukaia malombi ghako ghasikirikie, na mkako Elizabeti uchakuvaia mwana wa womi, na oho kuchammbanga Johane.

JEREMIA 33:16

Matuku agho, wandu wa Juda wichakia, na wandu wa Jerusalemu wichakaia banana. Na muzi ugho ghuchawangwa, ‘BWANA nuo kukia kodu.’

KUZOYA 17:19

Ela Mlungu ukaghamba, “Hata, ni muka wako moni Sara uchaakuvaia mwana wa womi, na irina jake kuchammbanga Isaaka. Nani nichajimangisha ilaghano japo kwake, na kwa kivalwa chake jikaie ilaghano ja kala na kala.

KUZOYA 17:21

Ela ilaghano japo ijo, nichajibonya na kujimangisha kwa Isaaka, uo Sara uchaakuvaia kimu sa ichi, mwaka ghuchagha.”

WATANYI 13:3

Malaika wa BWANA ukamfutukia uja muka ukamzera, “Zighana oho ko kolowi kusewadie wana wangi, ela kuchapata kifu kuve mwana wa womi.

1 SAMUELI 1:20

ukapata kifu kwa ngelo yaro, nao ukava mwana wa womi, ukammbanga irina jake Samueli, angu oreghambieghe, “Uhu neemlomba kwa BWANA.”

MATHAYO 1:25

Ela nderemmanyireghe anduangi, hata Maria ukamva mwana wa womi. Na Josefu ukammbanga irina jake Jesu.

JOHANE 4:42

Wikamzera uja muka, “Idana isi darumiria, si kwa wundu ghwa malagho ghako tu, ela angu damsikira isi diweni, nesi damanya loli uhu ni Mkiri wa wurumwengu.”