MARKO 9:50 - Biblia Ilagho Jiboie Kwa Wandu Wose

⁵⁰ Kiserere ni kindo kicha, ela chikafumwa ni kusinga kwaro, muchachilunga naki? Kaienyi na kiserere andenyi konyu, nenyo mkaie na sere mmbeni na mmbeni.”

MARKO 9:50 Referans Kwoze

WAKOLOSAI 4:6

Madedo ghenyu ghikaie gha mvono ngelo rose, sa vindo vilungilo na munyu, mpate kumanya seji imfwane kumtumbulia kula mundu.

WAROMA 12:18

Timenyi seji mdimagha kukaia na sere na wandu wose.

MATHAYO 5:13

“Inyo moko kiserere wurumwengunyi. Ela kiserere chikafumwa ni kusinga kwaro mchachilunga na kindoki? Ndechifwane kindo chingi sena, ela chichadeghwa cha shighadi chiwadilo ni wandu.

WAEBRANIA 12:14

Fungenyi ndighi kulola sere na wandu wose, na ugho wueli; mndungi useko nagho, ndechaammbona Bwana anduangi.

2 WAKORINTHO 13:11

Kutua wanidu, mkaie mana. Boisenyi chia renyu, munisikire, mmbwadane, mkaie na sere, na uo Mlungu wa lukundo na sere uchakaia andwamweri nenyo.

WAFILIPI 1:27

Ilagho jikundikie konyu, ni ja inyo kughenda karakara na ijo Ilagho Jiboie ja Kristo, eri ngera nacha kummbona, angu ngera nakaia kula nenyo, nisikire wori mwawuyamanga andenyi ya roho imweri, muko na nia imweri, mkifunga ndighi chiaimweri kwa irumirio ja Ilagho Jiboie;

AYUBU 6:6

Vindo visene luwala vajikagha visedungilo munyu? Angu, logha lwa ighi lwa chokwa loko na luwala lungi?

1 WATHESALONIKE 5:13

Muwitale kwa ishima ibaa na lukundo kwa wundu ghwa kazi yawo. Mkaie na sere mmbeni na mmbeni.

WAEFESO 4:29

Msakededa malagho ghangi ghizamie, ela mdede agho gheni ghiko mecha kwa wundu ghwa kuaghana; agho gheni ghifwanagha kwa ngelo yaro, ghipate kuwineka mvono awo wisikiragha.

1 PETRO 3:8

Kutua, inyo mmbose mkaie na wumweri ghwa roho, wughoma, lukundo lwa wanidu, ngolo inyoshere, na nia ya kukusera.

JAKOBO 1:20

angu machu gha mdamu ndeghibonyagha hachi ya Mlungu anduangi.

2 TIMOTHEO 2:22

Kwa huwo, kuriinjikie bea ra wudawana; kuinughe hachi, irumirio, lukundo, na sere andwamweri na awo wimmbangiagha Bwana kwa ngolo ielie.

WAKOLOSAI 3:12

Idana inyo sa wandu wa Mlungu msaghulo, waeli mkundo, mkaie na ngolo ya wughoma, wucha, kukusera, wumboa, na kurumaghia;

WAGALATIA 5:22

Ela itunda ja Roho, ni lukundo, kuboilwa, sere, kurumaghia, kutala wandu, ishima, wuloli,

ZABURI 34:14

Kukutanye na wuwiwi, kubonye nicha, kulole sere na kuinugha na iseghe.

MARKO 9:34

Nao wikanyama kima; angu chienyi werekoghe wikibonyerana nganyi weni na weni wei nani uko m'baa aghadi kwawo.

ZABURI 133:1

Yaboie saki wanidu kukaia chiaimweri kwa wumweri!

EZEKIELI 43:24

Oho kucharireda imbiri ya BWANA; na wakohani wicharinyinyiria chumbi, na kurifunya rikaie kizongona chekora kwa BWANA.

MARKO 9:49

Angu kula mundu uchalungwa ni modo.