MARKO 9:43 - Biblia Ilagho Jiboie Kwa Wandu Wose

⁴³ Na ngera mkonu ghwako ghwakukuwisha, ghudumbuo! Ni nicha oho kungie iranginyi kuseko na mkonu ghumu, kuchumba kukaia na mikonu iwi, nao kughende modonyi ghwa jehanamu. [

MARKO 9:43 Referans Kwoze

MATHAYO 25:41

“Niko aho uchawizera waja wiko kwa mkonu ghwake ghwa kiwaka, ‘Fumenyi kwapo inyo mmbwasiro njowe, mwende kwa modo ghwa kala na kala ghoreboisiroghe uo Ibilisi na weke malaika wake;

WAEBRANIA 12:1

Kwa huwo na isi wori, kwa kukaia damarwa ni iwingu ibaa ja washahidi jing'ane huwu, ndediinje kula kighirio, na iyo kaung'a idikakadiagha na ndighi; dikimbie kwa kurumaghia, kwa kuja kuisana kuwikilo imbiri kodu

MATHAYO 5:22

Ela ini namzera, kula mundu ucham'bonyera mruna machu uchatanywa, na uo ummenyagha mruna uchaghenjwa mwandunyi. Uo ummbangagha mruna ‘Mkelu’ ichafwana ukumbo modonyi ghwa jehanamu.

WAGALATIA 5:24

Na awo wiko wa Kristo Jesu wamerie kughusulubisha mumbi chiaimweri na mirudo yaro na bea raro.

MATHAYO 3:12

Nao oko na lungo mikonunyi kwake, upate kuelesha viro vake; ngano uingire nganyenyi kwake, ela makanda ughikore kwa modo ghuserimikagha anduangi.”

TITO 2:12

nagho ghwadifundisha kulegha mawiwi, na bea ra wurumwengu, dipate kudua moyo diko na akili ndicha, waloli, na irangi jiko na kuobua kwa Mlungu andenyi ya wurumwengu ughu;

WAKOLOSAI 3:5

Kwa huwu ribwaghenyi iro bea ra wurumwengu riko andenyi konyu; kulaka, kushughunuka, mirudo ya bea, bea rizamie, na iriso, najo ni kutasa milimu;

WAROMA 8:13

angu mkakaia moyo mkighenda seji mumbi ghukundagha mchafwa; ela mkaghibwagha mabonyo gha mumbi kwa Roho, mchakaia moyo.

LUKA 14:13

Ela iji kwabonya karamu, kuwange wakiwa, watighini, wakelemeri, na vitungure;

1 PETRO 2:1

Kwa wundu ugho, injenyi na mbai wuwiwi ghose, wukalo ghose, kusowa wuloli, iriso, na kuzighiria kose.

1 WAKORINTHO 9:27

ela naghubwaghishira mumbi ghwapo na kughumazira; isechekaia nyuma ya kuwichilia wazima, ini moni nilegho.

LUKA 14:21

Niko uja mdumiki ukawuya na kumghoria bwana wake. Uja mundu wa nyumba ukajokwa ni machu, ukamzera mdumiki wake, ‘Ghenda shwa-shwa kwa chia mbaa, na chia ndini ra mizi, kuwirede aha wakiwa, watighini, wakelemeri, na vitungure.’

ISAYA 1:31

Mundu uwadie ndighi uchakaia sa itasa na kazi rake sa sisia ra modo, uchahianya na kazi rake hata mndungi usedime kumrimisha.

JEREMIA 4:4

Mumsikire BWANA, muinje wuchafu ghwa ngolo renyu inyo wandu wa Juda na wa Jerusalemu; machu ghapo ghisecheaka sa modo, hata mndungi usewoneke odima kughirimisha, kwa wundu ghwa wuwiwi ghwa mabonyo ghenyu.”

MATHAYO 17:27

Ela disakewikuwisha; ghenda ndiwenyi, kukumbe kiloo; iji kwawada samaki ya imbiri, na kuitambarua momu ghwake, kuchapata pesa shekeli imweri; nao kuwineke kwa wundu ghwapo na ghwako.”

MARKO 9:44

Andu vivunyu varo visefwagha, na modo ghwaro ghuserimikagha anduangi.]

LUKA 3:17

Na lungo lwake loko mkonunyi kwake upate kuinja makanda ghose na kungira ngano nganyenyi kwake, ela makanda uchaghikora kwa modo ghuserimikagha anduangi.”

AYUBU 20:13

hata ngera ndedimagha kurumaghia useghidede, na kuchuria kughinyamia kima.