MARKO 9:42 - Biblia Ilagho Jiboie Kwa Wandu Wose

⁴² “Na uo ose uchamkuwisha umu wa awa watini winirumiriagha ini, ni nicha kwake igho ibaa jesha jifungo singonyi kwake, ukumbo baharinyi.

MARKO 9:42 Referans Kwoze

MATHAYO 18:6

“Ngera mndungi wamshekeria umu wa awa watini winirumiriagha ubonye kaung'a, ichakaia nicha uo ufungo igho ibaa jesha singonyi kwake, uvululisho andu kumilie baharinyi.

MATHAYO 18:10

“Mkulindie msemmenye ungi wa awa watini; angu namghoria, weke malaika wawo aho mlungunyi ngelo rose wadaghuzighana wushu ghwa Aba uko mlungunyi. [

2 WAKORINTHO 6:3

Isi ndediwikagha ikuwaro jingi andenyi ya chia ya mndungi anduangi, eri wudumiki ghodu ghusecheghorwa kiwiwi;

WAROMA 16:17

Namvoya wanidu, mukumanye na awo wiredagha mawaghanyiko na wasi, kwa kulwa na mafundisho agho morefundishiroghe; mkutanye nawo.

WAROMA 14:13

Kwa wundu ughu disighe kutanyana diweni na diweni, ela bora ditanye huwu: Mndungi usemmbikie mruna ikuwaro angu kighirio chingi chemghusha.

2 PETRO 2:2

Na wandu wengi wichanugha mabonyo ghawo ghizamie, na kwa wundu ghwawo, ija Chia ya loli ichadukanwa.

MABONYO GHA WADUMI 9:4

Ukaghwa andonyi, ukasikira lwaka lukimzera, “Sauli, Sauli! Kwaki kunikorongagha?”

1 TIMOTHEO 5:14

Kwa wundu ugho, niawona waka wifuilo ni womi wawo wiko watini, wilowolo, wive wana, wiribonyere nguma nyumba rawo; wisechemneka mmaiza wulalo ghodisholia.

WAFILIPI 1:10

eri mpate kusaghua iro riboie kuchumba, na kukaia muelie msewadie ikosa jingi ijo Ituku ja Kristo,

WAROMA 15:21

ela sa iji koni iandikilo, “Awo wiseghorelo malagho ghake jingi, wichawona; na awo wisesikire malagho ghake jingi, wichatambukilwa.”

MATHAYO 17:27

Ela disakewikuwisha; ghenda ndiwenyi, kukumbe kiloo; iji kwawada samaki ya imbiri, na kuitambarua momu ghwake, kuchapata pesa shekeli imweri; nao kuwineke kwa wundu ghwapo na ghwako.”