MARKO 9:24 - Biblia Ilagho Jiboie Kwa Wandu Wose

²⁴ Ahoeni ndee mwana ukakema ukighamba, “Narumiria, ela irumirio japo ni itini, nitesie.”

MARKO 9:24 Referans Kwoze

LUKA 17:5

Nao wadumi wikamzera Bwana, “Dichurie irumirio jedu.”

WAEBRANIA 12:2

dikimzighana Jesu mzoishi na mkatishi wa irumirio jedu. Uo, kwa wundu ghwa kuja kuboilwa korewikiloghe imbiri kwake, oreghurumaghieghe msalaba, ukaghumenya waya; nao waserie kidombo chia ya mkonu ghwa kiwomi ghwa kifumbi cha nguma cha Mlungu.

WAEFESO 2:8

Angu mookirwa kwa mvono kwa chia ya irumirio; najo si ibonyo jenyu jingi, ni inosi ja Mlungu;

2 WATHESALONIKE 1:11

Kwa wundu ughu, dawuyamlombia inyo matuku ghose, eri Mlungu odu upate kum'bonya mkaie wandu wifwane kwa ijo irangi oremmbangieghe; nenyo mdime kukatisha kula ilagho icha, na kazi ya irumirio kwa ndighi rake;

2 WATHESALONIKE 1:3

Deko na suti emfunyira Mlungu chawucha matuku ghose kwa wundu ghonyu wanidu, sa iji koni ifwanagha; kwa kukaia irumirio jenyu jaawuyazoghua kwa wungi, na lukundo luko aghadi konyu kwa kula mundu na mmbao lwaawuyachurikia.

WAFILIPI 1:29

Angu inyo mwanekelo, si uko kurumiria Kristo koni anduangi, ela hata na kutirirwa wori kwa wundu ghwake;

ZABURI 126:5

Awo wiwagha kwa mbori, ndewikuwide kwa kuboilwa.

2 WAKORINTHO 2:4

Angu neremuandikieghe niko na wasi m'baa, na kuwawa ni ngolo ngidikwa ni mbori; si angu wei nimvavire, ela nimmanyishe ulo lukundo lubaa nimkunde nalo.

WAEBRANIA 5:7

Matuku gha Jesu ukikaia mumbinyi, oremlombieghe Mlungu uo udimagha kumkira na kifwa, kwa lwaka lubaa lwa kuvoya na kudikwa ni mbori, nao ukasikirwa angu orekoghe na kuja kuobua kwa Mlungu.

MABONYO GHA WADUMI 10:31

Ukaghamba, ‘Kornelio! Malombi ghako ghasikirwa, na makuwio ghako ghakumbukwa imbiri ya Mlungu.

JEREMIA 14:17

BWANA ukanizera niwighorie wandu malagho agha: “Meso ghapo ndeghidiko ni mbori kio na dime ngelo rose; kwa kukaia wandu wapo washoghonolwa nandighi, wapata ikabo jibirie nandighi.

2 TIMOTHEO 1:4

ngikumbuka mbori rako, na kukunda nandighi kio na dime nikuwone, nipate kuboilwa kubaa.

LUKA 7:44

Nao ukimghalukia muka ukamzera Simoni, “Kwammbona muka uhu? Kufuma nangia nyumbenyi kwako ndekuninekie machi gheoghosha maghu ghapo, ela uo wanioghosha maghu ghapo kwa mbori rake, na kughiaghia kwa iridia jake.

LUKA 7:38

ukakaia kimusi na nyuma kaavui na maghu gha Jesu ukilila, na mbori rake rikamtonyera maghunyi, nao ukaghiaghia kwa iridia jake; ukasusugha maghu ghake na kughishinga agho marumba.

ZABURI 39:12

“Sikira ilombi japo ee BWANA, degha kudu kwa kililo chapo; kusakenyama kima kwa kililo chapo. Angu ini ne mghenyi wako uidagha, ne mundu omara-mara sa weke aba wose.

2 WAZURI 20:5

“Wuya kumzere Hezekia m'baa wa wandu wapo, BWANA uo Mlungu wa ndeyo Daudi waghora huwu: Nasikira malombi ghako na kuwona mbori rako; ola nichakuboisa na ituku ja kadadu kuchajoka Hekalunyi kutasa.

2 SAMUELI 16:12

Yadimika BWANA ughuzighane wasi ghwapo, na kewada kwa kuewelwa huwu, unilipe mecha idime.”

WAEBRANIA 12:17

Angu mwamanya kukaia, konyuma iji orekundeghe kupata ifwa ja irasimio, orelegheloghe; angu nderepatireghe wulalo ghungi ghohea anduangi, hata ngera orejilolieghe kwa ndighi, ukidikwa ni mbori.

MABONYO GHA WADUMI 10:19

Hata iji Petro orekoghe ukiririkanya agho mawono, Roho ukamzera, “Ola wandu wadadu waawuyakulola.

MARKO 9:23

Jesu ukamzera, “Ngera kwadima! Nechi maza rose radimika kwa uhu urumiriagha.”

MARKO 9:25

Hata iji Jesu wawona izungu jikimtindiria, ukaikemia ija pepo izamie, “Ee pepo kituri kusesikiragha, ini nakuzera, mfume mwana uhu, hata na jingi kusakemmburia.”