MARKO 9:17 - Biblia Ilagho Jiboie Kwa Wandu Wose

¹⁷ Na mndumu uko izungunyi ukamzera, “Mwalimu, nerekuredieghe mwana wapo uko na pepo immbunjire kituri,

MARKO 9:17 Referans Kwoze

LUKA 11:14

Nao Jesu orekoghe ukiwinga pepo kituri, hata iji pepo yameria kufuma, uja kituri ukadeda na wandu wikashinika.

MARKO 9:25

Hata iji Jesu wawona izungu jikimtindiria, ukaikemia ija pepo izamie, “Ee pepo kituri kusesikiragha, ini nakuzera, mfume mwana uhu, hata na jingi kusakemmburia.”

JOHANE 4:47

Nao iji wasikira angu Jesu wameria kucha Galilaya kufuma Judea, ukamghendia ukimlomba angu usee Kafarnaumu um'boise mwana wake uko kaavui na kufwa.

LUKA 9:38

Nao mndumu kufuma izungunyi ukakema ukighamba, “Mwalimu nakuvoya kumzighane mwanwapo, angu ni mwanwapo wa ititi.

MARKO 10:13

Wandu wamu wikamredia Jesu wanake watini upate kuwiadada, ela waja wanughi, wikawikemia.

MARKO 7:26

Nao orekoghe muka wa Kigriki, mbari ya Wasurofoinike. Ukamlomba Jesu uiwinge pepo ifume kwa mnjighe wake.

MARKO 5:23

ukimvoya nandighi ukighamba, “Mnjighe wapo oko kaavui na kufwa. Nakulomba kuche, kummbikirie mikonu yako, uboo ukaie moyo.”

MATHAYO 17:15

ukaghamba, “Bwana, mmbonie wughoma mwana wapo, angu wadadumbuka na kuja wasi na ndighi; ngelo nyingi wadaghuya modonyi angu machinyi.

MATHAYO 12:22

Nao ahoeni wandu wikamredia Jesu mndumu kitungure sena uko kituri, angu orekoghe na pepo izamie. Jesu ukam'boisa hata ukawona na kudeda wori.

MATHAYO 9:32

Nao iji wandu werekoghe wikighenda chia rawo, wamu wikamredia mundu umu orekoghe kituri, angu orekoghe na pepo izamie.

MARKO 9:16

Jesu ukawikotia, “Welee, mwawuyakotiana ilaghoki?”

MARKO 9:18

nayo iji yammbwada, yadamghusha, nao wadafunya ifuo na kuja maghegho ghake, nao uaghulia kii. Ngawilomba wanughi wako wiiwinge, ikawilema.”