MARKO 8:6 - Biblia Ilagho Jiboie Kwa Wandu Wose

⁶ Nao ukafunya momu wandu wisee kidombo andonyi. Ukaiwusa ija mikate mfungade, hata umeria kufunya chawucha, ukaichukanya, ukawineka wanughi wake wiiwaghie wandu, nawo wikawiwaghia.

MARKO 8:6 Referans Kwoze

WAKOLOSAI 3:17

Nenyo mkakabonya ilagho ijo jose, kwa madedo angu kwa mabonyo, bonyenyi kula ilagho kwa irina ja Bwana Jesu, mkimfunyira Mlungu Aba chawucha kwa uo.

WAROMA 14:6

Uo ujitalagha ituku wajitala kwa kumneka Bwana ishima. Uo ujagha wori, waja kwa kumneka Bwana ishima, kwa kukaia wamfunyira Mlungu chawucha; na uhu usejagha, wasigha kuja kwa kumneka Bwana ishima; nao wamfunyira Mlungu chawucha.

JOHANE 6:23

Elaima, mashua zima rifumie Tiberia, rerechieghe andu aho wandu werejieghe mikate iji Bwana oremfunyireghe Mlungu chawucha.

JOHANE 2:5

Niko aho mae Jesu ukawizera wadumiki, “Bonyenyi ijo jose uchaamzera.”

LUKA 24:30

Hata iji wasea kidombo uje vindo andwamweri nawo, ukawada mkate, ukaghurasimia, ukaghuchikanya ukawineka.

LUKA 12:37

Warasimilwa awa wadumiki bwana wawo uchaawikua wikicheresha, namghoria loli, uchakufunga uo moni, na kuwisera kidombo mezenyi upate kuwidumikia.

MATHAYO 26:26

Nao iji werekoghe wikija vindo, Jesu ukawusa mkate, ukafunya chawucha ukaghuchikanya ukawineka wanughi wake ukighamba, “Koonyi muje, ughu nigho mumbi ghwapo.”

1 SAMUELI 9:13

Mkameria kungia mzinyi mchammbona imbiri usejokie mghondinyi kwendaja vindo; angu wandu ndewijagha usechee, kwa kukaia ni suti urasimie icho kizongona, ima awo wandu wikaribishiro wije. Idana jokenyi shwa-shwa, nenyo mchammbona.”

MARKO 8:5

Jesu ukawikotia, “Moko na mikate ilinga?” Wikamzera, “Mfungade.”

MARKO 8:7

Nawo werekoghe na samaki ndinieri, naro umeria kurirasimia, ukafunya momu na iro wori rineko wandu.

MARKO 8:20

“Na ija mikate mfungade kwa wandu elfu inya, moretumbanyireghe vikapu vilinga vichue masighariko gha ija mikate erechikanyiroghe?” Wikatumbulia, “Mfungade.”