MARKO 8:33 - Biblia Ilagho Jiboie Kwa Wandu Wose

³³ Jesu ukaghaluka, ukawizighana wanughi wake ukamkemia Petro ukighamba, “Injika noko, Shetani! Angu oho ndekuririkanyagha maza ra Mlungu anduangi, ela ra wandu.”

MARKO 8:33 Referans Kwoze

MATHAYO 4:10

Niko Jesu ukamzera, “Ghenda noko Shetani! Yaandikilo, ‘Kumtase Bwana Mlungu wako, na kumdumikia uo moni uekeri.’”

1 JOHANE 2:15

Msakeghukunda wurumwengu, hata vilambo va wurumwengu; ngera mndungi waghukunda wurumwengu, kumkunda uja Aba ndekuko andenyi kwake anduangi.

WAFILIPI 3:19

Kutua kwawo ni kutota, mlungu ghwawo ni vifu vawo, wakukasa kwa maza iwifwane wiriwonie waya, nawo wiaghesha maza ra ndoenyi.

WUFUNUO 3:19

Awo niwikunde nadawikaba na kuwikania; kwa wundu ugho kufunge ndighi, nao kuhee.

ZABURI 141:5

Mundu mucha wadima kunikaba na kunidokia kwa wughoma, ela sichaarumiria ishima kufuma kwa mmbiwi, angu nadatangala mawiwi ghawo malombinyi kwapo.

1 PETRO 4:1

Kwa kukaia Kristo orepatireghe matiriro mumbinyi, nenyo mmbeni mkurushe maswagha gha nia iyo cheni; angu uo ose upatire matiriro gha mumbi, wamerie kusighana na kaung'a,

1 TIMOTHEO 5:20

Awo wibonyagha kaung'a kuwikemie imbiri ya wandu wose, eri wazima wiobuo.

1 WAKORINTHO 5:5

mundu uo mumneke Shetani, mumbi ghutotesho, eri roho yake ikiro ijo Ituku ja Bwana Jesu.

LUKA 22:61

Bwana ukaghaluka ukazighana Petro, na Petro ukakumbuka seji Bwana oremzerieghe, “Kio ichi cheni, imbiri ya njogholo kudeda, kuchanikana kadadu.”

MARKO 3:34

Aho ukawizighana awo weremmarieghe chia rose, ukaghamba, “Zighanenyi! Awa niwo mao na wanidu.

MARKO 3:5

Ukawizighana wose kwa machu, ukawawa ni ngolo kwa wundu ghwa awo kukaia na ngolo rikurie; ukamzera uo mundu, “Ghorua mkonu ghwako.” Nao ukaghughorua, na mkonu ghwake ghukaboa.

MATHAYO 15:23

Ela Jesu nderemtumbulieghe ilagho jingi. Wanughi wake wikacha wikamzera, “Mzere ughende, waawuyadinugha ukididoghodera.”

2 SAMUELI 19:22

Ela Daudi ukaghamba, “Neko na ilaghoki nenyo inyo wana wa Seruia? Idime mwawuya wamaiza wapo! Mndungi wadima kubwagha andenyi ya Israeli idime? Ini namanya kukaia ne mzuri wa Israeli.”

WALAWI 19:17

“Kusewikie mwanyinyu ngolo ingi, ela tima kuboisa malagho nao kwa njama, eri kusechengia kaung'enyi kwa wundu ghwake.

TITO 1:13

Wushuhuda ughu ni ghwa loli. Kwa huwo, kuwikemie kwa kubia, eri wipate kukaia waloli kwa irumirio,

LUKA 9:55

Nao ukawighalukia ukawikania [ukaghamba, “Ndemmanyire ni roho ifwane wada muko nayo; angu Mwana wa Mdamu nderechieghe kutotesha marangi gha wandu anduangi, ela kughikira.”]

LUKA 4:8

Jesu ukamzera, “Yaandikilo, ‘Kuchamtasa Bwana Mlungu wako, sena kuchamdumikia uo moni uekeri.’”

AYUBU 2:10

Ela Ayubu ukamzera, “Kwaawuyadeda sa muka mkelu. Welee, dadapatagha mecha kufuma kwa Mlungu disepatagha mawiwi?” Kwa agho ghose, Ayubu nderebonyereghe kaung'a kwa Mlungu anduangi.

MATHAYO 16:23

Ela Jesu ukaghaluka ukamzera Petro, “Injika noko, Shetani! Kwaawuyanikuwisha. Maghesho ghako si gha Kimlungu anduangi, ela ni gha kidamu.”