MARKO 8:12 - Biblia Ilagho Jiboie Kwa Wandu Wose

¹² Ukasoria ngolo na ndighi, ukaghamba, “Welee, kwaki kivalwa ichi chilolagha alama? Namghoria loli, kivalwa ichi ndechichanekwa alama ingi anduangi.”

MARKO 8:12 Referans Kwoze

MARKO 7:34

Ukazighana aighu mlungunyi na kusoria ngolo, ukamzera, “Efatha,” kutambua kwaro, “Tambuka.”

MATHAYO 16:4

Kivalwa cha wuwiwi na kulaka chialola mwakilimbiti, nacho ndechichaanekwa mwakilimbiti ungi, ela uja moni wa Jona.” Nao ukawisigha ukaghenda chia yake.

LUKA 19:41

Nao iji wavika kaavui na ghuja muzi na kughuwona ukaghulilia,

MARKO 9:19

Jesu ukawizera, “Inyo kivalwa chisewadie irumirio, nichakaianya nenyo hata lii? Nichamrumaghia hata lii? Mredenyi kwapo.”

MARKO 6:6

Ukashinika kwa awo kusowekelwa ni irumirio. Nao Jesu ukamara-mara mzinyi, ukifundisha.

MARKO 3:5

Ukawizighana wose kwa machu, ukawawa ni ngolo kwa wundu ghwa awo kukaia na ngolo rikurie; ukamzera uo mundu, “Ghorua mkonu ghwako.” Nao ukaghughorua, na mkonu ghwake ghukaboa.

ISAYA 53:3

Oremenyeroghe na kuleghwa ni wandu, mundu wa wasi uichi kutirirwa, na sa mundu useko ozighanwa ni wandu, oremenyeroghe, hata wandu ndeweremtalieghe kukaia kindo chingi anduangi.

MATHAYO 12:38

Niko walimu wamu wa Sharia na Mafarisayo wikamzera, “Mwalimu, dakunde kuwona mwakilimbiti kwako.”

MARKO 8:13

Nao ukawisigha, ukangia ishuonyi sena, ukazoya kuruwuka cha kimonu.