MARKO 7:34 - Biblia Ilagho Jiboie Kwa Wandu Wose

³⁴ Ukazighana aighu mlungunyi na kusoria ngolo, ukamzera, “Efatha,” kutambua kwaro, “Tambuka.”

MARKO 7:34 Referans Kwoze

JOHANE 11:41

Nao wikajiinja igho. Jesu ukazighana noko ighu ukaghamba, “Nakuneka chawucha Aba, angu kwanisikira,

MARKO 6:41

Nao Jesu ukaiwusa ija mikate misanu na iro samaki iwi, ukazighana aighu mlungunyi, ukairasimia, ukaichukanya mikate, ukawineka wanughi wake wiiwaghie wandu; na iro samaki iwi ukawiwaghia wose.

MARKO 5:41

Nao ukammbwada mkonu, ukamzera, “Talitha Kum” kutambua kwaro, “Mnjighe, nakuzera wuka.”

MABONYO GHA WADUMI 9:34

Petro ukamzera, “Ainea, Jesu Kristo wakuboisa, wuka kuale wuli ghwako.” Nao ukawuka shwa wori.

JOHANE 11:33

Jesu uendammbona ukilila, na Wayahudi waja weremnughieghe wikilila wori, ngolo yake ikanyavurika na kuja wasi.

MARKO 15:34

Nao saa ikenda, Jesu ukakema na lwaka lubaa, “Eloi, Eloi, lama sabakithani!” kutambua kwaro, “Mlungu wapo, Mlungu wapo, kwaki kwanisigha?”

MARKO 8:12

Ukasoria ngolo na ndighi, ukaghamba, “Welee, kwaki kivalwa ichi chilolagha alama? Namghoria loli, kivalwa ichi ndechichanekwa alama ingi anduangi.”

MABONYO GHA WADUMI 9:40

Ela Petro ukawifunya shighadi wose, ukadunga ngokoro ukalomba Mlungu; niko ukaighalukia gharia ukaghamba, “Tabitha wuka.” Nao ukalavua meso; hata iji wammbona Petro, ukasea kidombo.

JOHANE 11:43

Umeria kughora agho, ukawanga kwa lwaka lubaa, “Lazaro! Fuma shighadi!”

WAEBRANIA 4:15

Angu uo Mkohani M'baa diko nao, ndedimagha kulemwa ni kuwadwa ni wughoma kwa wundu ghwa wunyonge ghodu anduangi; ela uo oretimiloghe kwa kula chia seji koni dawuyatimwa, ela nderebonyereghe kaung'a anduangi.

JOHANE 17:1

Nao iji Jesu wameria kughora malagho agho, ukazighana aighu mlungunyi ukaghamba, “Aba, ngelo yameria kuvika; mkase Mwana wako, na Mwana wako wori ukukase oho.

JOHANE 11:38

Nao Jesu ukasirimika nandighi sena ngolonyi kwake, ukacha kaburinyi; nayo erekoghe ya mbanga na igho jawikwa mnyangonyi kwaro.

JOHANE 11:35

Jesu ukadikwa ni mbori.

LUKA 19:41

Nao iji wavika kaavui na ghuja muzi na kughuwona ukaghulilia,

LUKA 18:42

Jesu ukamzera, “Haya wona, irumirio jako jakuboisa.”

LUKA 7:14

Ukacha ukaiwada jeneza, na awo wandu wereidukieghe wikadunga maghu. Jesu ukaghamba, “Mdawana, nakuzera wuka!”

MARKO 1:41

Jesu ukawadwa ni wughoma, ukaghorua mkonu ghwake, ukamuadada ukimzera, “Nakunda, eleshwa oho.”

ISAYA 53:3

Oremenyeroghe na kuleghwa ni wandu, mundu wa wasi uichi kutirirwa, na sa mundu useko ozighanwa ni wandu, oremenyeroghe, hata wandu ndeweremtalieghe kukaia kindo chingi anduangi.

KUFUMA 2:23

Nyuma ya miaka imu, uja mzuri wa Misri ukafwa, ela Waisraeli werekoghe wikisirimwa aisi ya wuzumba; wikalila wikilola wutesia. Kililo chawo chikamvikia Mlungu.

MARKO 7:35

Nao madu ghake ghikatambuka, na lumi lwake lukafunguka, ukadeda nicha.