MARKO 7:24 - Biblia Ilagho Jiboie Kwa Wandu Wose

²⁴ Jesu ukawuka aho, ukaghenda masanga gha Tiro na Sidoni. Ukangia nyumba imu ukikunda mndungi usemanye, ela ndeeredimikieghe uvisike anduangi.

MARKO 7:24 Referans Kwoze

MATHAYO 11:21

“Ni bugha kwako Korazini! Ni bugha kwako Bethsaida! Kwa kukaia weke mwakilimbiti werebonyeroghe kwako, ngera wedebonyerwa Tiro na Sidoni, kumangu wamerie kuhea koicho wikirwa nguwo ra magunia na kukudunga maivu.

EZEKIELI 28:2

“Mwana wa mdamu, ghora na m'baa wa Tiro kumzere, Bwana MLUNGU waghamba huwu: Ngolo yako yakusikire, na oho kwaghambie, ‘Ini ne mlungu, nadasea kidombo aighu ya kifumbi cha milungu, ghadi na ghadi ya bahari,’ na sena hoku ko mdamu ndekuko mlungu ungi, hata ngera kwakutala kumoni kukaia na hikima sa mlungu.

1 TIMOTHEO 5:25

Huwo koni mabonyo mecha gheko worinyi; na hata agho ghiseko worinyi, ndeghidimagha kudua ghivisikie anduangi.

MATHAYO 9:28

Nao iji Jesu wangia nyumbenyi, vija vitungure viwi wikamghendia, nao moni ukawikotia, “Welee, mwarumiria angu nadima kubonya ilagho ijo?” Wikamtumbulia, “Ee Bwana.”

KUZOYA 10:15

Kanaani orevaeghe mwana wake wa imbiri Sidoni, na Hethi;

MARKO 2:1

Nyuma ya matuku ghamu, Jesu ukawuya sena Kafarnaumu, wandu wikasikira angu oko nyumbenyi.

ISAYA 42:2

Ndechaakema, hata lwaka lwake ndeluchaasikirika chienyi;

ISAYA 23:12

Nao waghambie, “Ndekuwuyaboilwa sena ee muzi ghwa Sidoni kuko sa mwai uelie, ukorongelo; hata kukakimbiria Kupro saki, ndekuchaapata kuhora kungi anduangi.”

KUZOYA 49:13

“Zebluni uchakaia mbai na mbai ya bahari, pwani yake ichakaia bandari ya meli; na mwano ghwake ghuchavika Sidoni.

KUZOYA 10:19

na mwano ghwawo ghukachurikia kufuma Sidoni kulangaya cha Gerari hata Gaza cha kusinyi, na kulangaya cha Sodoma na Gomora, Adma na Zeboiimu, hata kuvika Lasha cha mashariki.

MARKO 7:23

Iri maza rizamie rose radafuma andenyi, naro radamlusha mundu.”

MARKO 7:25

Nao ahoeni, muka umu mnjighe wake uko na pepo izamie, ukasikira wuvoro ghwake, ukacha ukaghwa maghunyi kwake.

MARKO 7:31

Jesu ukafuma isanga ja Tiro, ukaidia Sidoni, hata ndiwa ya Galilaya, ukiida aghadi ya isanga ja Dekapoli.