MARKO 6:48 - Biblia Ilagho Jiboie Kwa Wandu Wose

⁴⁸ Ukawiwona wanughi wake wikisirimika kwa kuruda makasia, angu werekoghe wikitangalwa ni mbeo, ukawighendia kaavui na ndoe kuelenyi, ukighenda na maghu aighu ya machi; ukakunda kuwiida.

MARKO 6:48 Referans Kwoze

LUKA 24:28

Wikavika kaavui na muzi werekoghe wikighughendia, Jesu ukakubonya sa kukunda kuida;

LUKA 12:38

Ukacha kio ghadi, angu ndoe ikiela na kuwikua huwo, warasimilwa awo wadumiki.

AYUBU 9:8

Nuo moni uekeri orealieghe mlungunyi, na kuwadia mivo-mivo ya bahari.

JOHANE 1:13

Awo werewurieghe wana wa Mlungu, si kwa ndighi ra kidamu, angu kwa ndighi ra mumbi, hata kwa lukundo lwa mdamu anduangi, ela kwa Mlungu.

MATHAYO 14:24

ngelo iyo jija ishua jerekoghe javika ghadi na ghadi ya ndiwa, jikikumbwa-kumbwa ni mivo-mivo ya machi, angu jerekoghe jikitangalwa ni mbeo.

ISAYA 54:11

“Ee Jerusalemu, muzi kukorongelo na kukumbwa-kumbwa ni kiremba, kusewadie mndungi wa kukuhoresha, ola nichaiagha misingi yako kwa magho gha zoghori mbaa gha safire.

ZABURI 104:3

Kukaagha muzi mawingunyi naighu amachinyi. Kwadatumia marundu sa igare jako, na kughenda aighu ya mawawa gha mbeo.

ZABURI 93:4

BWANA wawadie ndighi kuchumba mghono ghwa machi mengi, wawadie ndighi kuchumba mivo-mivo ya bahari.

1 SAMUELI 11:11

Nao nakesho yaro, Sauli ukawiwagha wandu mafungu adadu; wikaichea kambi ya Waamoni ndoe yalighisa kuela, wikawibwagha hata iruwa jikabia; na awo weresigharikieghe, wikakimbia kula mundu chia yake, kuseko na kunughana.

KUZOYA 32:26

Uja mundu ukamzera, “Nisighe nighende angu ndoe yaawuyaela.” Ela Jakobo ukaghamba, “Kusaanirasimia sikusighagha.”

KUZOYA 19:2

“Weke bwana wapo, ghalukenyi namvoya mungie nyumbenyi kwapo ini mdumiki onyu, mlale aho, muoghoshe maghu ghenyu, nao mmbuke nakesho mghende chia yenyu.” Wikaghamba, “Hata, isi dichalala ahaeni chienyi.”

KUFUMA 14:24

Nao sa ndoe kuelenyi, BWANA ukikaia andenyi ya nguro ya modo na ya iwingu ukaghizighana majeshi gha Wamisri, na kuwisumbua.

MATHAYO 24:43

Ela manyenyi ilagho iji: angu ngera mundu wa nyumba odemanya ni ngelo iao ya nakio uchelwagha ni kitoi, kumangu orechereshagha; hata ndereisighagha nyumba yake ibaro ni vitoi anduangi.

MARKO 6:47

Hata iji lwavika luma lwa kenyi, ishua jerekoghe javika ghadi na ghadi ya ndiwa, nao moni uduagha uekeri ndoe iomie.

MARKO 6:49

Ela awo wikammbona ukighenda na maghu aighu ya machi, nawo wikiririkanya wei ni kisuka, wikakema;

MARKO 13:35

Kwa huwo chereshenyi, angu ndemmanyire ni lii uchaacha uja bwana wa nyumba anduangi; ngera ni luma lwa kenyi, angu kio ghadi, angu njogholo ikideda, angu luma lwa nakesho;