MARKO 6:21 - Biblia Ilagho Jiboie Kwa Wandu Wose

²¹ Ela ngelo ifwane erevikieghe, iji Herode kwa ituku jake ja kuvalwa, orewibonyereghe ndima waghosi wake wa isanga, wabaa wa serikali na wandu wabaa wa Galilaya.

MARKO 6:21 Referans Kwoze

ESTA 2:18

Ukabonya karamu mbaa, kwa wundu ghwa ishima ja Esta; ukawiwanga vilongozi na wadumiki wa serikali. Sena mzuri ukafunya momu ijo ituku jikaie jehora kwa masanga ghose, ukafunya manosi malazi gha kiwuzuri.

KUZOYA 40:20

Nao ituku ja kadadu mzuri orebonyereghe karamu ya kuvalwa kwake, ukawikaribisha wadumiki wake wose. Nao ukawifungua wadumiki wake, m'baa wa wanyoshi divei, na m'baa wa waochi mikate.

WUFUNUO 11:10

Na wandu wa ndoenyi wichaboilwa kwa wundu ghwa kubwaghwa kwawo, nawo wichabonya maseko na kuenjerana manosi; angu awo walodi wawi wedeeka matiriro kwa wandu ndoenyi.

1 PETRO 4:3

Iyo ngelo iidie yakata ebonya seji awo wandu wa mbari zima wikundagha kubonya, wikighenda na irangi ja kulaka, bea rizamie, kuwongia, kubonya maseko, lwafuo, na kutasa milimu kuzamie na ndighi.

LUKA 3:1

Erekoghe mwaka ghwa ikumi na isanu ghwa kubonya nguma kwake Kaisari Tiberia. Pontio Pilato orekoghe m'baa wa Judea, na Herode m'baa wa Galilaya, na mruna Filipo m'baa wa isanga ja Iturea na Trokoniti, na Lusania m'baa wa Abilene.

HOSEA 7:5

Ituku ibaa ja mzuri odu, wabaa werewongerieghe kwa divei ibirie hata wikadaika, na mzuri ukarangana nawo.

ESTA 3:7

Nao mwaka ghwa ikumi na iwi, ghwa kubonya nguma kwake mzuri Ahasuero, mori ghwa imbiri ghuwangwaghwa Nisani, Puri (Yaani kura) ikakabwa imbiri ya Hamani, upate ituku na mori ghufwanagha ghokatisha mpango ghwake. Ituku jerepatiroghe ni kura, ni ja ikumi na idadu ja mori ghwa ikumi na iwi, ghuwangwaghwa Adari.

KUZOYA 27:41

Nao Esau ukazamilwa ni Jakobo kwa wundu ghwa jija irasimio orejipatireghe kwa ndee, ukaghora ngolonyi kwake, “Matuku ghemlilia aba ghalighisa; kawona ghasia, nicham'bwagha mwanidu Jakobo.”

MABONYO GHA WADUMI 25:23

Nakesho yaro Agripa na Berinike wikacha na wubaa mungi, wikangia chumba chekwanyikia andwamweri na wabaa wa majeshi, na wandu wabaa wa muzi. Festo ukafunya momu, na Paulo ukaredwa andenyi.