MARKO 6:20 - Biblia Ilagho Jiboie Kwa Wandu Wose

²⁰ Herode oremuobueghe Johane, ukimmanya angu oko mundu wa hachi, na mweli, ukamlindia. Hata ngera kuja kusikira machilo gha Johane koremkambirieghe chongo, ela sena orekoghe ukimsikiria kwa kuboilwa.

MARKO 6:20 Referans Kwoze

MATHAYO 21:26

Sena dikaghamba, ‘Kufuma kwa wadamu’, diaobua wandu angu weremrumirieghe Johane kukaia mlodi.”

MATHAYO 14:5

Herode ukakunda kum'bwagha Johane, ela ukawiobua wandu angu weremrumirieghe Johane kukaia mlodi.

JOHANE 5:35

Johane orekoghe sa taa iakagha na kulangalishira mwengere, nenyo kwa ngelo vui morekoghe mkiboilwa kwa mwengere ghwake.

MARKO 11:18

Wakohani wabaa na walimu wa Sharia wiendasikira huwo, wikalola chia emtotesha, ela weremuobueghe kwa kukaia izungu jose ja wandu jereshinuloghe ni mafundisho ghake.

MARKO 4:16

Wokoni wamu wafwanana na rija ra maghonyi; awo wijisikiragha ilagho, na nyuma ya kujisikira, ahoeni wajiwadia kwa kuboilwa,

DANIELI 5:17

Niko Danieli ukamtumbulia mzuri, “Manosi ghako kaia nagho, na mafungu ghako kuneke mundu mzima; elaima nichakushomia agho maandiko ee mzuri, sena nikuwonyere kutambua kwaro.

DANIELI 4:27

Kwa wundu ugho ee mzuri, njama yapo ndeirumirikie imbiri kwako. Sigha kaung'a rako, kuinughe hachi; kusighe mawiwi, kuwonyere wughoma kwa awo wikorongelo eri kukaie na sere na kuwona nicha.”

DANIELI 4:18

Ihi niyo ndodo niilodere ini Nebukadnezari ee Belteshazari. Kuniwonyere kutambua kwaro, kwa kukaia wandu wa hikima wose wa wuzuri ghwapo yawilema kutambua. Ela oho, angu kuko na roho ya milungu ielie, kwadima kunitambushira.”

EZEKIELI 33:32

Koowuya kwawo sa mundu uboragha chumbo ra lukundo kwa lwaka lusingie, ukilukaba na chombo charo; kwa kukaia wadasikira malagho kughorie ela ndewibonyagha.

2 MALAGHO GHA NGELO 26:5

Orekufunyireghe kumlola Mlungu matuku gha Zekaria, uo oremfundishireghe kumuobua Mlungu; na sa iji oremlolieghe BWANA, Mlungu orem'bonyereghe kuwona mecha.

2 MALAGHO GHA NGELO 24:2

Joashi ukabonya ghose ghim'boiagha BWANA matuku ghose gha mkohani Jehoiada.

2 WAZURI 13:14

Mlodi Elisha ukalwala wukongo ugho ghocheem'bwagha, na Jehoashi mzuri wa Israeli ukasea kummbona; ukamlilia ukighamba, “O aba ee, O aba ee! Mtesia na mlindiri wa Israeli!”

2 WAZURI 6:21

Mzuri wa Israeli uendawona ijo ijeshi ukamkotia Elisha, “Niwibwaghe mghosi? Niwibwaghe?”

1 WAZURI 21:20

Ahabu uendammbona Elija ukamzera, “Kwaniwada nga m'maiza wapo?” Elija ukatumbulia, “Ee, nakuwada; oho kwamerie kukufunya kubonya mawiwi imbiri ya BWANA.

KUFUMA 11:3

BWANA ukawibonya Waisraeli wirumirikie mesonyi kwa Wamisri. Na wokoni uo mundu Musa orekoghe m'baa na ndighi andenyi ya isanga ja Misri, kwa wadumiki wa Farao, hata kwa wandu wori.

MABONYO GHA WADUMI 2:12

Wikashinika wose wikikambwa ni chongo na kukotiana, “Ni mazaki iri?”

MABONYO GHA WADUMI 5:24

M'baa wa walindiri wa Hekalu na wakohani wabaa wiendasikira agho, wikakambwa ni chongo wisemanyagha ni ilaghoki ijo.