MARKO 6:14 - Biblia Ilagho Jiboie Kwa Wandu Wose

¹⁴ Nao mzuri Herode ukasikira iro maza, angu irina ja Jesu jeremanyikieghe andu kose. Wandu wamu werekoghe wikighamba, “Johane M'baputizi waruka kufuma kwa wafu, na kwa wundu ughu, niko ndighi iri rawuyabonya kazi andenyi kwake.”

MARKO 6:14 Referans Kwoze

1 WATHESALONIKE 1:8

Angu ilagho ja Bwana, ndejiko wei jeesikirika na kuera Makedonia na Akaya koni kuekeri anduangi; ela malagho gha irumirio jenyu kwa Mlungu, ghasikirikie kula andu; hata isi ndedine haja eghora ilagho jingi anduangi.

LUKA 13:31

Ngelo iyo cheni, Mafarisayo wamu weremchieghe Jesu wikamzera, “Fuma aha kughende, angu Herode ookunda kukubwagha.”

LUKA 3:1

Erekoghe mwaka ghwa ikumi na isanu ghwa kubonya nguma kwake Kaisari Tiberia. Pontio Pilato orekoghe m'baa wa Judea, na Herode m'baa wa Galilaya, na mruna Filipo m'baa wa isanga ja Iturea na Trokoniti, na Lusania m'baa wa Abilene.

MARKO 8:28

Wikamtumbulia, “Wamu wadaghamba oho ko Johane M'baputizi, wazima Elija, na wazima umu wa walodi.”

MARKO 1:45

Ela ukafuma, ukazoya kueresha ilagho jija andu kose, hata Jesu nderedimieghe kungia mzinyi worinyi anduangi, ela ukakaia shighadi kivisonyi andu kusewadie wandu. Ela hata huwo saki, wikamchea kufuma andu kose.

MARKO 1:28

Nao ahoeni sare yake ikaera isangenyi kose Galilaya, na mbai-mbai yaro.

MATHAYO 9:31

Ela awo wikafuma na kughieresha malagho ghaja isangenyi kose.

2 MALAGHO GHA NGELO 26:15

Ukabonya mitambo Jerusalemu, ekumba mawanu na magho mabaa; ivumbulo ni wandu wiko na wuya, na kuwikwa minarenyi na mbembenyi. Sare yake ikaera kula, angu oretesereloghe loli loli hata ukapata ndighi nyingi.

2 MALAGHO GHA NGELO 26:8

Waamoni werekoghe wikilipa kodi kwa Uzia, na sare yake ikaera hata mwano ghwa Misri; angu orekoghe na wudimi m'baa loli loli.

LUKA 9:19

Wikamtumbulia, “Wamu waghamba ko Johane M'baputizi, na wamu Elija, na wazima wei ko umu wa walodi wa kala urukie kufuma kwa wafu.”

WAEBRANIA 2:4

Mlungu ukikushuhudia kwa chia ya alama na mashiniko, na weke mwakilimbiti wazima-wazima, na kwa manosi gha Roho Mweli ghiwaghilo karakara na seji orekundieghe moni.

LUKA 7:17

Nao sare yake ikaera isanga jose ja Judea na mbai-mbai yaro.