MARKO 5:35 - Biblia Ilagho Jiboie Kwa Wandu Wose

³⁵ Hata iji orekoghe ukideda, wikacha wandu wafuma kwa Jairo, uja m'baa wa sunagogi, wikighamba, “Kusakesindamjisha Mwalimu wasi. Mnjighe wako wafwa.”

MARKO 5:35 Referans Kwoze

LUKA 8:49

Nao iji orekoghe ukideda, ukacha mundu umu kufuma nyumbenyi kwa uja m'baa wa sunagogi, ukamzera, “Mwai wako wameria kufwa, kusesindemjisha Mwalimu wasi.”

JOHANE 11:39

Jesu ukaghamba, “Injenyi igho!” Marita mruna uja mundu ufue ukaghamba, “Bwana, luma ulu uanuka; angu wakaie kaburinyi matuku ana.”

JOHANE 11:28

Nyuma ya Marita kughora huwo, ukaghenda kummbanga mruna Maria kwa kiviso ukamzera, “Mwalimu oko aha wakuwanga.”

JOHANE 5:25

Namghoria loli, ngelo iacha, hata idana eko, iji wafu wichaalusikira lwaka lwa Mwana wa Mlungu, na awo wilusikiragha, wichakaia moyo.

MARKO 10:17

Hata iji Jesu wazoya charo chake, mundu umu ukamghendia na iseghe, ukamdungia ngokoro, ukamkotia, “Mwalimu mucha, yanifwana nibonye ilaghoki ima nipate ifwa ja irangi ja kala na kala?”

MARKO 5:22

Na m'baa umu wa sunagogi uwangwagha Jairo ukamchea, hata iji wammbona Jesu, ukaghwa maghunyi kwake,

JOHANE 11:32

Nao iji Maria orevikieghe andu Jesu orekoghe na kummbona, ukaghwa maghunyi kwake ukimzera, “Bwana, ngera kodeeka aha, kumangu mwanidu nderefwagha anduangi.”

JOHANE 11:25

Jesu ukamzera, “Ini nuo uko kuruka na irangi. Uo unirumiriagha ini, hata ngera wafwa, uchakaia moyo;

JOHANE 11:21

Marita ukamzera Jesu, “Bwana, ngera kodeeka aha, kumangu mwanidu nderefwagha anduangi.

MATHAYO 26:18

Ukawitumbulia, “Ghedenyi mzinyi, nyumbenyi kwa mndumu mumzere, ‘Mwalimu waghamba, ngelo yapo yavika; nichaija Pasaka na wanughi wapo nyumbenyi kwako.’”

MATHAYO 9:18

Nao iji Jesu orekoghe ukighora agho, m'baa umu Myahudi ukacha ukimghoghomia ukamzera, “Mwai wapo wameria kufwa idakoni; ela nakulomba kuche kummbikirie mkonu ghwako, nao uchakaia moyo.”

MATHAYO 26:10

Ela Jesu ukimanya agho ukaghamba, “Kwaki mumsumbuagha uhu muka? Uo wanibonyera ilagho icha.