MARKO 4:41 - Biblia Ilagho Jiboie Kwa Wandu Wose

⁴¹ Nao wikaobua loli-loli, wikazerana weni na weni, “Uhu nani sena, hata mbeo na ndiwa radamsikira?”

MARKO 4:41 Referans Kwoze

LUKA 8:25

Nao ukawizera, “Welee, irumirio jenyu jeko hao?” Nawo wikaobua na kuzerana, “Welee, uhu nani ulaghiragha hata mbeo na machi, navo vamsikira!”

AYUBU 38:11

Nereizerieghe, ‘Kootuya aeni aha, kusechumbe; mivo-mivo yako iwadie ndighi, suti ituye aho.’

MATHAYO 8:27

Nao wandu wikashinika wikaghamba, “Ni mnduki uhu? Usikirwagha ni mbeo na bahari!”

ZABURI 89:7

Mlungu wadaobolwa andenyi ya mwandu ghwa waeli; wadaobosha kuchumba wose wiko mbai mbai kwake.

1 SAMUELI 12:24

Inyo mumuobuo BWANA tu, mumdumikie kwa wuloli, kwa ngolo renyu rose, mkikumbuka agho malagho mabaa BWANA um'bonyere.

WUFUNUO 15:4

Nani useobuagha na kujikasa irina jako, ee Bwana? Angu oho kuekeri koko mweli. Wandu wa mbari rose wichacha na kukutasa oho, angu kutanya kwako kwamerie kufunukulwa.”

MARKO 5:33

Niko uja muka ukimanya seji orebonyeroghe, ukacha, ukaghwa imbiri kwake ukiobua na kusughusika, ukamghoria loli rose.

WAEBRANIA 12:28

Kwa huwo ndedifunye chawucha na kuboilwa kwa kuwusa wuzuri ghusedimagha kusughuswa; nesi ndedimtase Mlungu kwa chia im'boiagha, kwa ishima, na kuobua;

LUKA 4:36

Wandu wose wikashinika na kuzerana, “Ni ilaghoki iji? Angu kwa nguma nandighi wadalaghira pepo ra makakala, naro radafuma?”

MATHAYO 14:32

Nao iji wangia ishuonyi, kiremba chikasia.

MALAKI 2:5

“Andenyi ya ilaghano japo, nerewilaghirieghe irangi na kuwona nicha, Nerewinekieghe ijo ilaghano, eri wipate kunineka ishima; nawo wikaniobua na kunineka ishima.

MARKO 7:37

Wandu wikashinika nandighi loli-loli, wikighamba, “Wadabonya maza rose nicha: wadabonya hata wifue madu wisikire, na vituri widede.”

MARKO 4:40

Niko Jesu ukawizera wanughi wake, “Kwaki mwaobua? Mduagha msene irumirio?”

MARKO 5:1

Nao wikabusa chija kimonu cha ndiwa, isanga ja Wagerasi.