MARKO 4:39 - Biblia Ilagho Jiboie Kwa Wandu Wose

³⁹ Jesu ukawuka, ukaikemia mbeo, na kuizera ndiwa, “Nyama, kuhoo”. Nao mbeo ikasia, kukakaia kuhoa kubaa.

MARKO 4:39 Referans Kwoze

ZABURI 107:29

Ukanyamirisha kiremba, na mivo-mivo ya bahari ikahoa.

ZABURI 89:9

Oho kwadaghubonyera nguma msukosuko ghwa bahari; mivo-mivo yaro ikawuka kwadaihoresha.

ZABURI 65:7

Kwadanyamira mirurumo ya bahari, na mirurumo ya mivo-mivo yaro, na ndoghoi ra wandu;

ZABURI 29:10

BWANA waghibonyere machi ghimilie nguma wasea kidombo kifumbinyi cha nguma ukikaia mzuri kwa kala na kala.

JEREMIA 5:22

Wele ndemuniobuagha ini? Ndemsughusikagha imbiri kwapo? Ini nawikie msangagha ghukaie mpaka ghwa bahari, kighirio cha toe machi ghisedimagha kuchumba, hata ngera mivo-mivo ya bahari yakumicha, isedimagha kughusima, hata ngera yaruruma, isedimagha kuida aighu yaro.

MAKATANISHO 8:29

iji orewikagha mwano ghwa bahari, eri machi gharo ghisechumbe andu kwaro, iji orebonyagha msingi ghwa ndoenyi.

ZABURI 148:8

Luhehia na vua ya magho, theluji na ikungughu, na mbeo ya kiremba ikatishagha malaghiro ghake.

AYUBU 38:11

Nereizerieghe, ‘Kootuya aeni aha, kusechumbe; mivo-mivo yako iwadie ndighi, suti ituye aho.’

KUFUMA 14:22

Wandu wa Israeli wikaida ghadi na ghadi ya bahari andu kuomie, na machi ghikakaia sa wurigha chia ya mkonu ghwawo ghwa kiwomi na chia ya mkonu ghwawo ghwa kiwaka.

MARKO 9:25

Hata iji Jesu wawona izungu jikimtindiria, ukaikemia ija pepo izamie, “Ee pepo kituri kusesikiragha, ini nakuzera, mfume mwana uhu, hata na jingi kusakemmburia.”

KUFUMA 14:16

Wusira mzata ghwako, kughoruo mkonu ghwako aighu ya bahari, machi ghiwaghanyike, na wandu wa Israeli wipate kuida andu kuomie aghadi ya bahari.

LUKA 4:39

Ukacha ukakaia kaavui na wuli ghwake, ukaikania ija homa, nayo ikamsigha; ukawuka shwa wori ukawidumikia.

NAHUMU 1:4

Wadaidokia bahari na kuiomera, wadaomera meda yose. Mbuwa ra Bashani ranyaya, na Mghondi ghwa Karmeli ghwaoma. Maua gha Lebanoni ghasia.

KILILO CHA JEREMIA 3:31

BWANA ni wa wughoma; ndechaadida putu anduangi.

MATHAYO 8:26

Jesu ukawizera, “Inyo wandu wa irumirio itini, kwaki mwaobua?” Niko ukawuka, ukaikania mbeo na bahari; kukakaia kuhoa kubaa.

MARKO 4:38

Ela uo moni orekoghe chia ya nyuma ishuonyi ulale mtonyi; nao wikammbusira wikimzera, “Mwalimu, ndekutalagha iji isi datota?”

LUKA 4:35

Ela Jesu ukaikania ukaghamba, “Nyama kima kufume kwake!” Nao ija pepo imeria kumghusha aghadi kwawo, ikamfuma, isem'bonyere ilagho jingi.

LUKA 8:24

Wanughi wikamghendia Jesu wikammbusira wikighamba, “Bwana, Bwana diamba ditote!” Jesu ukawuka ukaikania ija mbeo na ija mivo-mivo ya machi ikasia, kukakaia kuhoa kubaa.