MARKO 4:38 - Biblia Ilagho Jiboie Kwa Wandu Wose

³⁸ Ela uo moni orekoghe chia ya nyuma ishuonyi ulale mtonyi; nao wikammbusira wikimzera, “Mwalimu, ndekutalagha iji isi datota?”

MARKO 4:38 Referans Kwoze

1 PETRO 5:7

Mumkumbie uo wasi ghonyu ghose, angu wawuyamtala inyo.

WAEBRANIA 4:15

Angu uo Mkohani M'baa diko nao, ndedimagha kulemwa ni kuwadwa ni wughoma kwa wundu ghwa wunyonge ghodu anduangi; ela uo oretimiloghe kwa kula chia seji koni dawuyatimwa, ela nderebonyereghe kaung'a anduangi.

MATHAYO 8:25

Wanughi wake wikammbusira wikighamba, “Bwana, dikire daawuyatota!”

LUKA 8:24

Wanughi wikamghendia Jesu wikammbusira wikighamba, “Bwana, Bwana diamba ditote!” Jesu ukawuka ukaikania ija mbeo na ija mivo-mivo ya machi ikasia, kukakaia kuhoa kubaa.

ISAYA 64:12

Kudima wada kurumaghia aighu ya maza iri rose ee Bwana? Kudima wada kunyama kima kukiditirira huwu?

WAEBRANIA 2:17

Kwa huwo, eremfwaneghe ufwananisho na waruna kwa kula chia, eri upate kukaia Mkohani M'baa uwadie wughoma, na uko mloli kwa wudumiki ghwa Mlungu, na kulipia kaung'a ra wandu.

JOHANE 4:6

Wokoni aho korekoghe na kisima cha Jakobo. Niko Jesu, angu wasilwa kwa wundu ghwa charo chake, ukasea kidombo kaavui na icho kisima; erekoghe ngera sa saa ya karandadu.

ISAYA 63:15

Kudizighane kufuma mlungunyi kwako ee BWANA, kufuma agho malalo ghako ghielie gha wubaa. Ugho wuing'oni na kudima kwako koko hao? Ghuao ugho wughoma na lukundo lwako kudikunde nalo?

KILILO CHA JEREMIA 3:8

Nakema ngilola wutesia, ela Mlungu walegha kunisikira.

MATHAYO 22:16

Wikamdumia wamu wa wanughi wawo chiaimweri na wanjama wa Herode wikighamba, “Mwalimu, dakumanya angu koko mloli, na chia ya Mlungu kwadaifundisha kwa loli, hata ndekutalagha mndungi, angu kusetalagha mawubaa gha wadamu anduangi.

MARKO 4:37

Nao kiremba kibaa chikazoya kuweta, na mivo-mivo ya machi ikawoka kusukiria jija ishua, hata jikakunda kuchua machi.

MARKO 4:39

Jesu ukawuka, ukaikemia mbeo, na kuizera ndiwa, “Nyama, kuhoo”. Nao mbeo ikasia, kukakaia kuhoa kubaa.