MARKO 4:15 - Biblia Ilagho Jiboie Kwa Wandu Wose

¹⁵ Awa niwo sa mbeu rerepotokieghe chienyi, andu ilagho jiwalwagha, hata iji wajisikira, ahoeni wacha Shetani na kujifunya jija ilagho jiwalo andenyi kwawo.

MARKO 4:15 Referans Kwoze

1 PETRO 5:8

Kaienyi na akili mchereshe. M'maiza onyu, uo Ibilisi, waawuyamara-mara sa shimba irurumagha ikimlola mndungi ipate kumja.

MATHAYO 13:19

Iji mndungi wasikira ilagho ja wuzuri ela ndejimtambukie, uja mmbiwi wadaacha na kujiinja ngolonyi kwake, nao wafwanana na mbeu ipotokie chienyi.

2 WAKORINTHO 2:11

kwa kumtangala Shetani usepate wulalo aighu edu; angu daichi mipango yake.

LUKA 8:12

Mbeu iri rerepotokieghe chienyi ni sa wandu wijisikiragha ijo ilagho, konyuma Mmbiwi wacha na kujiinja ngolonyi kwawo, wisechejirumiria na kukia.

MARKO 4:4

na iji orekoghe ukiwa, mbeu rimu rikapotoka chienyi, na nyonyi rikacha rikarija.

MABONYO GHA WADUMI 5:3

Nao Petro ukamzera, “Anania, kwaki kwamneka Shetani wulalo ukachua ngolonyi kwako, hata kumkalie Roho Mweli na kuwikia mbai ifungu jimu ja pesa ra ndoe?

ISAYA 53:1

“Nani ughirumirie agho malagho dereghisikireghe? Na ndighi ra BWANA rafunukulo kwani?

WUFUNUO 20:10

Na uo Ibilisi orewikalieghe, orekumbiloghe andenyi ya ndiwa ya modo ghwa kibiriti andu ija nyamandu na uo mlodi wa tee werekoghe; nawo wichatirirwa kio na dime kwa kala na kala.

WUFUNUO 20:7

Nyuma ya miaka elfu kusia, Shetani uchafungulwa ufume kifungonyi,

WAEBRANIA 2:1

Kwa huwo, suti diriwadie nandighi iro maza dirisikire, disechewuya nyuma.

2 WATHESALONIKE 2:9

Uo Mleghi, ucharedwa ni ndighi ra Shetani, nao uchacha nandighi rose rebonya weke mwakilimbiti wa tee na mashiniko;

MATHAYO 22:5

Ela awo wandu ndeweretalieghe, wikaghibonya malagho ghake ghiangue wikaghenda chia rawo, umu mbuwenyi kwake, na mzima kwa kazi rake.

WUFUNUO 12:9

Na iyo choka mbaa ikapotolwa, iyo choka ya kala, iyo iwangwagha Ibilisi na Shetani, uo mkalii wa wurumwengu ghose; nao ukapotolwa andoenyi chiaimweri na weke malaika wake.

MATHAYO 4:10

Niko Jesu ukamzera, “Ghenda noko Shetani! Yaandikilo, ‘Kumtase Bwana Mlungu wako, na kumdumikia uo moni uekeri.’”

ZEKARIA 3:1

BWANA ukaniwonyera Mkohani M'baa Joshua ukikaia kimusi imbiri ya malaika wa BWANA, na Shetani uko kimusi chia ya mkonu ghwake ghwa kiwomi upate kumshitakia.

KUZOYA 19:14

Niko Loti ukafuma na kuwighendia waghosi wake awa werewilowugha wai wake ukawizera, “Wukenyi mfume aha angu BWANA oko kaavui kughutotesha muzi ughu.” Ela madedo ghake ghikawoneka kukaia gha wukelu kwa waghosi wake.

WAEBRANIA 12:16

Mndungi usekaie mlaki, angu usemuobuagha Mlungu sa Esau uo oreuzireghe hachi ya kuvalwa kwake kwa vindo va ngelo imweri.

MABONYO GHA WADUMI 17:32

Nao iji wasikira malagho gha kuruka kwa wafu, wamu wikaseka, ela wamu wikaghamba, “Dichakusikiria sena aighu ya maza iri.”

MARKO 4:14

Uja muwi mbeu wadawa jija ilagho.

MARKO 4:16

Wokoni wamu wafwanana na rija ra maghonyi; awo wijisikiragha ilagho, na nyuma ya kujisikira, ahoeni wajiwadia kwa kuboilwa,