MARKO 3:8 - Biblia Ilagho Jiboie Kwa Wandu Wose

⁸ Idumea na kimonu cha Jordani, na chia ra Tiro na Sidoni; izungu ibaa na ndighi. Wandu awo werechieghe kwa Jesu kwa kukaia weresikireghe maza rose orekoghe ukiribonya.

MARKO 3:8 Referans Kwoze

EZEKIELI 35:15

Sa iji koreboiloghe aighu ya ifwa ja wandu wa Israeli, angu wei isanga jeresighiloghe iduu, huwo koni nichakubonyera agho gheni: mghondi ghwa Seiri, na isanga jose ja Edomu jichasighwa iduu putu. Niko wichamanya kukaia ini ne BWANA.

MATHAYO 11:21

“Ni bugha kwako Korazini! Ni bugha kwako Bethsaida! Kwa kukaia weke mwakilimbiti werebonyeroghe kwako, ngera wedebonyerwa Tiro na Sidoni, kumangu wamerie kuhea koicho wikirwa nguwo ra magunia na kukudunga maivu.

EZEKIELI 36:5

“Ini Bwana MLUNGU naawuyaghora niko na iriso ibaa aighu ya iro mbari ra wandu risigharikie, na Edomu yose, awo wiwusire isanga japo kwa kuboilwa kubaa, wikighora kwa lung'eto wei wajiwusire ijo isanga kwa ndighi.

ISAYA 34:5

BWANA wawika lufu lwake tayari mlungunyi, nalo luasea kukaba Edomu, ee, awo wandu umerie kuwitanya kufwa.

MARKO 7:24

Jesu ukawuka aho, ukaghenda masanga gha Tiro na Sidoni. Ukangia nyumba imu ukikunda mndungi usemanye, ela ndeeredimikieghe uvisike anduangi.

ZABURI 87:4

“Nichangira Misri na Babuloni andenyi ya mtalo ghwa awo winiichi; wokoni nichangira Filistia, na Tiro andwamweri na Kushi andenyi ya mtalo ghwa awo wikaiagha Jerusalemu.”

ZABURI 45:12

Wandu wa Tiro wichakuredia manosi, wazuri wa mali wichalola kurumirilwa ni oho.

MARKO 7:31

Jesu ukafuma isanga ja Tiro, ukaidia Sidoni, hata ndiwa ya Galilaya, ukiida aghadi ya isanga ja Dekapoli.

JOSHUA 15:1

Nyumba ra kichuku cha Juda rerewaghiloghe isanga huwu: Ijo isanga jerevikieghe noko cha kusinyi, aho kutuonyi kwa kireti cha Sini, hata mpakenyi ghwa Edomu.

JOSHUA 15:21

Iyo mizi werenekeloghe nokoisi cha kusinyi, iyo erekoghe kaavui na mpaka ghwa Edomu erekoghe Kabzeeli, Ederi, na Jaguri,

MATHAYO 4:25

Izungu ibaa ja wandu wikamnugha wifumie Galilaya, Dekapoli, Jerusalemu, Judea, na kimonu cha Jordani.

LUKA 6:17

Nao iji Jesu wasea kufuma mghondinyi andwamweri nawo, ukakaia kimusi andu kwa wurindi chiaimweri na wanughi wake wengi; na izungu ja wandu wifumie Judea yose, Jerusalemu, na pwani ya Tiro na Sidoni, werechieghe kumsikira na kuboiswa makongo ghawo;