MARKO 2:20 - Biblia Ilagho Jiboie Kwa Wandu Wose

²⁰ Ela matuku ghichacha, na bwana-arusi uchafunywa kwawo, niko aho wichafunga.

MARKO 2:20 Referans Kwoze

LUKA 17:22

Nao ukawizera wanughi wake, “Matuku ghichacha, nenyo mchakunda kujiwona jimu ja matuku gha Mwana wa Mdamu, hata ndemchaajiwona anduangi.

WUFUNUO 21:9

Nao umu wa awo weke malaika mfungade, werekoghe na iro bakuli mfungade richue agho makabo mfungade gha kutua, ukacha ukanizera, “Choo nikuwonyere uo mwai ulowolwagha, uo muka wa Mwana wa Ng'ondi.”

WUFUNUO 19:7

Ndediboilo na kuzuma, dimneke ugho wubaa, angu harusi ya uo Mwana wa Ng'ondi yameria kuvika, na mkake wakuwika nicha.

2 WAKORINTHO 11:27

Nabonyere kazi kwa wasi, ngisowa dilo nakio mando malazi, kwa njala na kau, ngifunga tumu kalazi koni, kwa mbeo na zuna.

2 WAKORINTHO 11:2

Neko na iriso ja Kimlungu kwa wundu ghonyu, angu inyo mooka sa mwai uelie nimkumbie wulanga, nipate kumreda kwa mumi wake umweri, uo Kristo.

1 WAKORINTHO 7:5

Msakeimana mmbeni na mmbeni, isaakaia ngera moorumiriana kubonya huwo kwa ngelo; eri mpate wulalo ghokufunya kwa kulomba Mlungu, nyuma yaro mmburiane sena; Shetani usechepata wulalo ghomtima kwa kusowa kukumazira.

MABONYO GHA WADUMI 14:23

Hata wimeria kuwisaghuya waghosi kula ikanisa, wikilomba na kufunga tumu, wikawiwika kwa Bwana uo weremrumirieghe.

MABONYO GHA WADUMI 3:21

Nao ni suti ukaie mlungunyi hata Mlungu waribonya maza rose rikaie mbishi sa iji koni oreghorieghe kokala kwa memu ya walodi wake wielie.

MABONYO GHA WADUMI 1:9

Uendaghora huwo, nawo wikimzighana, ukawusirwa noko ighu, ukadwalwa aighu mlungunyi, na iwingu jikamtuwiria wisemmbone sena.

JOHANE 17:13

Idana niacha kwako; nani naghighora malagho agha wurumwengunyi, eri kuboilwa kwapo kukate kuchuo andenyi ngolonyi kwawo.

JOHANE 17:11

Idana niacha kwako, siko sena wurumwengunyi; ela awo weko wurumwengunyi. Aba Mweli, wilindie kwa irina jako ijo koreninekieghe, wipate kukaia kindo chimweri sa iji isi diko umweri.

JOHANE 16:28

Ini nerefumieghe kwa Aba, ngacha wurumwengunyi; nani idana niaghusigha wurumwengu, na kuwuya kwa Aba.”

JOHANE 16:7

Elaima namghoria loli, ichamfwana inyo ini ngaghenda, angu ngera niseghendagha, uja Mtesia ndechaamchea anduangi; ela ngaghenda, nichamduma konyu.

JOHANE 13:33

“Wanake, ngelo ekanya nenyo yasighwa ndinieri. Mchanilola, nani namghoria sa iji koni nereghorieghe vilongozi va Wayahudi, ‘Andu nighendagha, inyo ndemdimagha kucha anduangi.’

JOHANE 3:29

Uo uko na muka nuo bwana arusi, ela mghenyi wa bwana arusi, uo ukaiagha kimusi na kumsikira, wadaboilwa kumsikira bwana arusi ukideda. Idana kuboilwa kwapo kwakatishwa.

MATHAYO 26:31

Nao Jesu ukawizera, “Kio ichi cheni inyo mmbose mchakimbia munisighe niekeri, angu yaandikilo; ‘Nichamkaba mlisha, na ng'ondi richasaghisika.’

ZEKARIA 13:7

BWANA Uwadie-Ndighi-Rose waghamba, “Wuka ee lufu kulo na mlisha uo unidumikiagha; bwagha mlisha, na ng'ondi richasaghisika. Ini nichalwa na wandu wapo;

ISAYA 62:5

Sa iji koni mdawana umlowuagha mwai, huwo koni wana wako wichawusa isanga jako; na sa iji koni bwana arusi uboilwagha ni mwai ulowolwagha, huwo koni Mlungu wako uchaboilwa ni oho.

ISAYA 54:5

Kwa kukaia Muumbi wako nuo sa mumi wako, irina jake ni BWANA wa majeshi; na Mkomboli wako ni Mlungu Mweli wa Israeli, wadawangwa Mlungu wa wurumwengu ghose.

LUMBO 3:11

Inyo waka wa Sioni, choonyi mmbone Mzuri Solomoni seji warushwa kirumbu ni mae; ituku ja arusi yake, ijo ituku ja kuboilwa kwake.

ZABURI 45:11

Mzuri wawuyaghokelwa ni oho. Kumneke ishima, angu ni bwana wako.

2 WAKORINTHO 6:5

kukabwa, kungirwa kifungonyi, kuzomelwa imbiri ya wandu; kudukishirwa kazi rilemere, dikicheresha na kukaia disejagha.

JOHANE 12:8

Wakiwa moko nawo matuku ghose, ela ndemchaakaia na ini matuku ghose anduangi.”

MATHAYO 9:15

Jesu ukawitumbulia, “Welee, awa wiwangwagha arusinyi wadima kukaia na wasi iji bwana arusi ukwanye nawo? Hata! Ela ngelo bwana arusi wainjwa kwawo, ngelo iyo niko wichaafunga.

MARKO 2:19

Jesu ukawizera, “Welee, wandu wiwangilo harusinyi widima wada kufunga iji bwana-arusi ukwanye nawo? Ngelo iyo yose wikwanye na bwana-arusi, ndewidimagha kufunga anduangi.

MARKO 2:21

“Ndekuwadie mndungi udunganyagha kiraka cha nguwo mbishi na irasi, angu ukadunganya, chija kiwishi chikoghe chibwaghe ilanga, chichanona jija irasi, na ilanga jichachurikia.

LUKA 5:35

Ela matuku ghichacha, ngelo bwana arusi uchaainjwa kwawo, matuku agho niko wichaafunga tumu.”