MARKO 16:20 - Biblia Ilagho Jiboie Kwa Wandu Wose

²⁰ Wanughi wikafuma, wikachila andu kose, Bwana moni ukibonya kazi andwamweri nawo; ukijimangisha jija ilagho kwa weke mwakilimbiti werebonyeroghe. Amen.]

MARKO 16:20 Referans Kwoze

MABONYO GHA WADUMI 14:3

Paulo na Barnaba wikadua aho luma koni wikighora malagho gha Bwana kwa wuwana, Bwana moni ukijishuhudia ilagho ja mvono ghwake kwa weke mwakilimbiti na mashiniko wereghibonyereghe.

WAEBRANIA 2:4

Mlungu ukikushuhudia kwa chia ya alama na mashiniko, na weke mwakilimbiti wazima-wazima, na kwa manosi gha Roho Mweli ghiwaghilo karakara na seji orekundieghe moni.

WAROMA 15:19

kwa ndighi ra weke mwakilimbiti na mashiniko, na kwa ndighi ra Roho Mweli. Huwu namerie kujichila Ilagho Jiboie ja Kristo kufuma Jerusalemu hata Iluriko.

MABONYO GHA WADUMI 5:12

Nao wadumi wikabonya weke mwakilimbiti wengi na mashiniko aghadi ya wandu. Nawo werekoghe wose andenyi ya Lukumbi lwa Solomoni.

MABONYO GHA WADUMI 4:30

na oho ghorua mkonu ghwako kuboise, na kubonya weke mwakilimbiti na mashiniko kwa irina ja mdumiki wako Mweli Jesu.”

2 WAKORINTHO 6:1

Kwa huwo dikibonya kazi andwamweri na Mlungu, damvoya mseghuwuse mvono ghwake duu.

MARKO 16:19

Nao Bwana Jesu, nyuma ya kughora nawo ukadwalwa noko aighu mlungunyi, ukasea kidombo chia ya mkonu ghwa kiwomi ghwa Mlungu.

LUKA 1:1

Kwa kukaia wengi wamerie kukufunya wiandike malagho gha maza ribonyekie aghadi kodu,

LUKA 1:2

nawo wereandikieghe seji dighorelo ni wandu wijiwonie jija ilagho kwa meso ghawo kufuma imbiri, na kujidumikia;

WAEBRANIA 2:3

isi-lee, dichafufunuka wada dikakumenya kukia kubaa kung'ane huwu? Na Bwana orezoeghe kukughora, na wandu weremsikireghe ukikughora, wikadiwonyera seji kuko kwa loli.