MARKO 16:19 - Biblia Ilagho Jiboie Kwa Wandu Wose

¹⁹ Nao Bwana Jesu, nyuma ya kughora nawo ukadwalwa noko aighu mlungunyi, ukasea kidombo chia ya mkonu ghwa kiwomi ghwa Mlungu.

MARKO 16:19 Referans Kwoze

1 PETRO 3:22

uo umerie kughenda mlungunyi, nao oko chia ya mkonu ghwa kiwomi ghwa Mlungu; ukiwibonyera nguma weke malaika, na awo wibonyagha nguma na kudima.

WAEBRANIA 1:3

Uo Mwana, ni uko kung'ala-ng'ala kwa wubaa ghwa Mlungu, nao ni fwana tiki ya Mlungu moni; uvimaziriagha vilambo vose kwa ilagho jake jiwadie kudima. Nao umeria kubonya kuja kuelesha kaung'a, oreserieghe kidombo chia ya mkonu ghwa kiwomi ghwa Mlungu wa Wubaa uko aighu.

WAEBRANIA 12:2

dikimzighana Jesu mzoishi na mkatishi wa irumirio jedu. Uo, kwa wundu ghwa kuja kuboilwa korewikiloghe imbiri kwake, oreghurumaghieghe msalaba, ukaghumenya waya; nao waserie kidombo chia ya mkonu ghwa kiwomi ghwa kifumbi cha nguma cha Mlungu.

WAROMA 8:34

nani uwitanyagha? Ni Kristo Jesu umoni orefueghe? Ee, umoni orerukishiroghe kufuma kwa wafu, sena uko kidombo chia ya mkonu ghwa kiwomi ghwa Mlungu ukidilombia na ndighi?

ZABURI 110:1

BWANA oremzerieghe bwana wapo, “Sea kidombo chia ya mkonu ghwapo ghwa kiwomi, hata niwibonye wamaiza wako wikaie aisi ya maghu ghako.”

MABONYO GHA WADUMI 2:33

Nao moni, umeria kujoswa kwa mkonu ghwa kiwomi ghwa Mlungu, na kuwusa kufuma kwa Aba ijo ilaghiro ja Roho Mweli, niko wachidia ichi mchiwonagha na kuchisikira wori.

WAEBRANIA 8:1

Idana ilagho jeni kwa agho dawuyaghora ni iji: deko na Mkohani M'baa ufwane huwo; uo uko kidombo chia ya mkonu ghwa kiwomi ghwa kifumbi cha nguma cha Wubaa mlungunyi,

WAKOLOSAI 3:1

Idana ikakaia mrukishiro na Kristo, lolenyi maza iro riko aighu, andu Kristo uko, wasea kidombo chia ya mkonu ghwa kiwomi ghwa Mlungu.

JOHANE 20:17

Jesu ukamzera, “Kusakeniwada, angu sijokie kande kwa Aba, ela ghenda kwa wanidu kuwighorie niajoka kwa Aba na Aba onyu; kwa Mlungu wapo na Mlungu onyu.”

WAEBRANIA 6:20

andu Jesu uzoe ukakiria na kungia kwa wundu ghodu, uendawuya Mkohani M'baa wa kala na kala, kwa kunughishira wukohani ghwa Melkizedeki.

1 TIMOTHEO 3:16

Ni wushuhuda ghusedimagha kukanwa kukaia, iyo ngasu ya dini yedu ni mbaa na ndighi: Orewonekieghe worinyi kwa mumbi, ukarumirilwa kukaia na hachi ni Roho; Ukawonwa ni weke malaika, ukachilwa aghadi ya wandu wa iro mbari; ukarumirilwa wurumwengunyi, ukadwalwa aighu mlungunyi kwa wubaa.

JOHANE 6:62

Yakaiagha wada ngera modemmbona Mwana wa Mdamu ukijoka andu aja orekoghe koimbiri?

LUKA 9:51

Nao iji matuku ghalighisa gha uo kudwalwa mlungunyi, ukakata shauri eghenda Jerusalemu.

WAEBRANIA 9:24

Angu Kristo nderengirieghe Andu kwa Wueli kubonyero ni mikonu, kuko fwana ya uko kwa loli anduangi, ela orengirieghe mlungunyi koni; upate kuwoneka imbiri ya Mlungu kwa wundu ghodu.

WAEBRANIA 7:26

Niko koni erefwaneghe dipate Mkohani M'baa uko huwo; wa wueli, usewadie ikosa jingi, usene iboli, utanyiro na wakaung'a, na kujoswa ighu kuchumba milungunyi.

WAEBRANIA 4:14

Idana kwa kukaia deko na Mkohani M'baa, uo orengirieghe mlungunyi, Jesu, Mwana wa Mlungu, ndedimazire kuja kurumiria kodu.

MABONYO GHA WADUMI 3:21

Nao ni suti ukaie mlungunyi hata Mlungu waribonya maza rose rikaie mbishi sa iji koni oreghorieghe kokala kwa memu ya walodi wake wielie.

JOHANE 21:22

Jesu ukamzera, “Ngera nakunda ukaie moyo hata nawuya, ni ilaghoki kwako? Kuninughe ini.”

JOHANE 21:15

Nao iji wameria kuja, Jesu ukamzera Simoni Petro, “Wele Simoni, mwana wa Johane, kwanikunde kuchumba awa?” Ukatumbulia, “Ee Bwana, oho kwaichi angu nakukunde.” Jesu ukamzera, “Kuzighaneghee wana wa ng'ondi wapo.”

JOHANE 17:13

Idana niacha kwako; nani naghighora malagho agha wurumwengunyi, eri kuboilwa kwapo kukate kuchuo andenyi ngolonyi kwawo.

JOHANE 16:28

Ini nerefumieghe kwa Aba, ngacha wurumwengunyi; nani idana niaghusigha wurumwengu, na kuwuya kwa Aba.”

JOHANE 13:1

Nao imbiri ya Ndima ya Pasaka, Jesu ukimanya angu ngelo yake yavika esigha ughu wurumwengu, uwuye kwa Aba, na seji orekoghe ukiwikunda wandu wake wiko wurumwengunyi, ukawikunda wandu hata kutua.

MARKO 16:20

Wanughi wikafuma, wikachila andu kose, Bwana moni ukibonya kazi andwamweri nawo; ukijimangisha jija ilagho kwa weke mwakilimbiti werebonyeroghe. Amen.]

LUKA 22:69

Ela kufuma idana, Mwana wa Mdamu uchasea kidombo chia ya mkonu ghwa kiwomi ghwa Mlungu Uwadie Ndighi Rose.”

MABONYO GHA WADUMI 1:22

kufuma ngelo ra wubaputizo ghwa Johane hata ituku oredwaloghe nokoighu kufuma kodu, suti ukaie mshahidi wa kuruka kwake andwamweri nesi.”