MARKO 16:17 - Biblia Ilagho Jiboie Kwa Wandu Wose

¹⁷ Na alama iri richawinugha awa wirumiriagha: kwa irina japo wichawinga pepo, na wichaghora na chumi mbishi.

MARKO 16:17 Referans Kwoze

MABONYO GHA WADUMI 5:16

Wokoni wandu wa mizi mizima iko mbai-mbai ya Jerusalemu wikacha wikidwa wakongo, na wandu werekoghe wikijishwa wasi ni pepo ra makakala, nawo wikaboiswa wose.

1 WAKORINTHO 12:28

Na Mlungu wawikie andenyi ya ikanisa: imbiri wadumi, kawi walodi, kadadu walimu; sena wabonyi weke mwakilimbiti, waboisi wakongo, watesia, wazighaniri, na waghori wa viteto vizima-vizima.

1 WAKORINTHO 12:10

mzima ukaanekwa inosi jebonya weke mwakilimbiti, mzima ukaanekwa kuchila, mzima ukaanekwa inosi jetambua manosi gha Roho, mzima ukaanekwa kudeda na viteto vizima-vizima, na mzima ukaanekwa kughalusa viteto.

MABONYO GHA WADUMI 8:7

Angu wandu wengi werefumiloghe ni pepo ra makakala rikikema na lwaka lubaa; na awo werekoghe na wukongo ghwa kupooza na wakelemeri wikaboiswa.

LUKA 10:17

Nao waja wandu mirongo mfungade wikawuya kwa kuboilwa kubaa wikighamba, “Bwana hata pepo rawikilo aisi kodu kwa irina jako.”

MABONYO GHA WADUMI 10:46

Angu werewisikireghe wikideda kwa viteto vizima, wikimkasa Mlungu. Niko Petro ukaghamba,

JOHANE 14:12

Namghoria loli, uo unirumiriagha, uchabonya iro kazi niribonyagha; ee, nao uchabonya na zima mbaa kuchumba iri; angu niaghenda kwa Aba.

MABONYO GHA WADUMI 19:6

Hata iji Paulo wawiwikiria mikonu, Roho Mweli ukawichea; nawo wikadeda na viteto vizima na kughora ilagho ja Mlungu.

1 WAKORINTHO 14:2

Angu uo udedagha kwa kiteto, ndededanyagha na mndungi, ela wadadedanya na Mlungu; kwa kukaia mndungi ndetambukilwagha, angu uadeda malagho ghivisikie andenyi ya Roho.

1 WAKORINTHO 12:30

Wose weko na manosi gheboisa wakongo? Wose wawuyadeda na viteto vizima-vizima? Wose wawuyaghalusa viteto?

1 WAKORINTHO 13:1

Ngera nadeda na viteto va wadamu na va weke malaika, nani siwadie lukundo, niakaia sa lwaka lwa ibamba iduu, angu kengele chikabwagha.

MABONYO GHA WADUMI 16:18

Ukabonya huwo matuku malazi. Nao Paulo ukazamilwa, ukaighalukia ija pepo na kuizera, “Kwa irina ja Jesu Kristo nakulaghira kumfume.” Nayo ikamfuma ija ngelo cheni.

MARKO 9:38

Johane ukamzera, “Mwalimu, dammbonie mndumu ukiwinga pepo kwa irina jako, nesi dikamghiria angu userekoghe mngara odu anduangi.”

MABONYO GHA WADUMI 2:33

Nao moni, umeria kujoswa kwa mkonu ghwa kiwomi ghwa Mlungu, na kuwusa kufuma kwa Aba ijo ilaghiro ja Roho Mweli, niko wachidia ichi mchiwonagha na kuchisikira wori.