MARKO 16:14 - Biblia Ilagho Jiboie Kwa Wandu Wose

¹⁴ Kutua, Jesu ukawifutukia waja ikumi na umweri wiko kidombo vindonyi, ukawirasha kwa kulegha kurumiria kwawo na kwa kukua kwa ngolo rawo, angu wiserewirumirieghe waja weremmbonieghe nyuma ya kuruka kwake anduangi.

MARKO 16:14 Referans Kwoze

1 WAKORINTHO 15:5

na seji oremfutukieghe Kefa, na nyuma yake ukawifutukia wadumi wose ikumi na wawi.

WUFUNUO 3:19

Awo niwikunde nadawikaba na kuwikania; kwa wundu ugho kufunge ndighi, nao kuhee.

JOHANE 20:27

Nao ukamzera Tomasi, “Reda chala chako kuvizighane vikoto vapo, reda mkonu ghwako kughungire luwarunyi kwapo. Kusakekaia mundu userumiriagha, ela uo urumiriagha!”

MATHAYO 11:20

Niko Jesu ukazoya kuirasha ija mizi weke mwakilimbiti wengi wibonyero kwawo, angu wandu waro wereleghieghe kuhea.

LUKA 24:25

Nao Jesu ukawizera, “Kwaki mkelie huwu, muko na ngolo rilemere rerumiria malagho ghose ghighorelo ni walodi?

MARKO 7:18

Nao ukawizera, “Welee, hata na inyo wori ndemtambukilwagha? Ndemtambuagha angu icho chose chiko shighadi, chikangia andenyi kwa mundu, ndechidimagha kumlusha anduangi,

MATHAYO 17:20

Jesu ukawitumbulia, “Ni kwa wundu ghwa wutini ghwa irumirio jenyu. Kwa loli ngera modeeka na irumirio jing'ane sa ndembe ya haradali, kumangu mwaghuzera mghondi ughu, ‘Injika aha kughende aja,’ nagho ghuchamsikira. Hata kumangu ndekuwadie kilambo chingi chisedimikagha konyu anduangi. [

MITALO 14:11

BWANA ukamzera Musa, “Awa wandu winimenya hata lii? Widua wisenirumirie hata lii kunughana na awa weke mwakilimbiti wose nibonyere aghadi kwawo?

MATHAYO 28:17

Hata iji weremmbonieghe wikamtasa, ela wamu wikakaia na ngera.

LUKA 24:11

Ela malagho agho ghikawoneka kwa wadumi sa ghiseko ghewada, hata ndewerewirumirieghe anduangi.

JOHANE 20:25

Waja wanughi wambao wikamzera, “Dammbona Bwana!” Tomasi ukawizera, “Ngera nisewonie na kuriadada alama ra misumari vikotonyi kwake, sena ningire mkonu ghwapo luwarunyi kwake, sichaarumiria anduangi.”

JOHANE 20:26

Nao nyuma ya matuku wunyanya, wanughi wake werekoghe wakwanyika andwamweri sena, na Tomasi orekwanyeghe nawo. Minyango erekoghe irughie, ela Jesu ukangia, ukakaia kimusi aghadi kwawo ukaghamba, “Sere ndeikaie konyu.”

JOHANE 21:1

Nyuma ya agho, Jesu ukawifutukia wanughi wake mbai na mbai ya ndiwa ya Tiberia. Nao ukakuwonyera huwu:

JOHANE 21:14

Iji ni indo ja kadadu Jesu orekuwonyereghe uo moni kwa wanughi wake nyuma ya kuruka kufuma kwa wafu.

MABONYO GHA WADUMI 1:3

Orekuwonyereghe uo moni kwa matuku mirongo ina seji oko moyo loli, nyuma ya kufwa kwake; wikammbona mando malazi ukija nawo malagho gha Wuzuri ghwa Mlungu.