MARKO 15:43 - Biblia Ilagho Jiboie Kwa Wandu Wose

⁴³ Josefu wa muzi ghwa Arimatea, mundu wa Mwandu unekelo ishima, ukacha. Uo moni orekoghe ukighuwesera Wuzuri ghwa Mlungu, nao ukamghendia Pilato kwa wuwana, ukamlomba mumbi ghwa Jesu.

MARKO 15:43 Referans Kwoze

LUKA 2:38

Nao ukicha kwa saa ija cheni, ukamfunyira Mlungu chawucha, nao ukaghora malagho gha uo mwana worinyi kwa wose werekoghe wikikuweseria kuja kukombolwa kwa Jerusalemu.

LUKA 2:25

Nao ahoeni Jerusalemu, korekoghe na mundu uwangwagha Simeoni. Mundu uhu orekoghe mundu wa hachi umuobuagha Mlungu, nao orekoghe ukighuwesera ghuja wuhoreshi ghwa Israeli, na Roho Mweli orekoghe aighu kwake.

LUKA 23:51

uo ndererumirianeghe na njama yawo, hata na ibonyo jawo anduangi; nao orekoghe ukighuweseria Wuzuri ghwa Mlungu.

MABONYO GHA WADUMI 17:12

Kwa huwo wengi wawo wikarumiria; na waka wa Kigriki wiko na sare iboie, na womi wa Kigriki wori, wikarumiria.

JOHANE 19:38

Nao nyuma ya maza iri, Josefu mundu wa muzi ghwa Arimatea, ukamlomba Pilato rusa eghuinja mumbi ghwa Jesu. (Josefu orekoghe mnughi wa Jesu kwa kiviso angu orewiobueghe wabaa wa Wayahudi.) Pilato ukamneka, nao ukaghenda na kughuinja mumbi ghwa Jesu.

MATHAYO 27:57

Nao luma lwa kenyi, mundu umu uko na mali uwangwagha Josefu ukacha kufuma Arimatea; nao wori orekoghe mnughi wa Jesu.

WAFILIPI 1:14

na kaavui ya wanidu wose, wacheemangishwa andenyi ya kumrumiria Bwana, kwa wundu ghwa kufungwa kwapo; nawo wachua wuwana ghojighora ilagho ja Mlungu kuseko na wowa.

MABONYO GHA WADUMI 13:50

Ela Wayahudi wikawikumba sheshe waka wa mbari zima wa ishima, wimuobuagha Mlungu, na womi werekoghe vilongozi va muzi. Wikazoya kuwitirira Paulo na Barnaba, na kuwiwinga isangenyi kwawo.

MARKO 14:54

Petro oremnughieghe kwa kula, hata wazenyi kwa Mkohani M'baa, nao orekoghe kidombo na walindiri ukioda modo.

MATHAYO 20:16

Nao Jesu ukameria ukighamba, “Niko huwo wa kutua wichakaia wa imbiri, na wa imbiri wikaie wa kutua.”

MATHAYO 19:30

Ela wengi wiko imbiri wichakaia wa kutua, na wa kutua, wikaie wa imbiri.”

MARKO 15:44

Pilato ukashinika wei Jesu wameria kufwa, ukammbanga uja m'baa wa masikari, ukamkotia ngera wameria kufwa.

LUKA 23:50

Korekoghe na mndumu uwangwagha Josefu, mundu wa muzi ghumu ghwa Wayahudi ghuwangwagha Arimatea. Orekoghe mwanachama wa Mwandu, mundu mucha na wa hachi;