MARKO 15:32 - Biblia Ilagho Jiboie Kwa Wandu Wose

³² Kristo Mzuri wa Israeli, ndesee msalabenyi idana, nesi diwone dirumirie.” Na awo weresulubishiroghe andwamweri nao, wikamsholia wokoni.

MARKO 15:32 Referans Kwoze

MATHAYO 27:44

Na vija vitoi veresulubishiroghe andwamweri nao vikamsholia wokoni.

2 TIMOTHEO 2:18

Wandu wilagharilo ni irumirio, hata wiaghamba wei kuruka kwa wafu kwamerie kuida, nawo waawuyajinona irumirio ja wandu wamu.

MATHAYO 1:17

Kwa huwo, korekoghe na vivalwa ikumi na vina kufuma Abrahamu hata Daudi; na vivalwa ikumi na vina kufuma Daudi hata ija ngelo ya kudwalwa wunyika kwa Wayahudi noko cha Babuloni; na vivalwa ikumi na vina kufuma ija ngelo ya kudwalwa wunyika kwa Wayahudi hata ngelo ya Kristo.

ZEKARIA 9:9

Zumenyi ee wandu wa Sioni! Kemenyi kwa kuboilwa inyo wandu wa Jerusalemu! Wonenyi mzuri onyu uamchea! Oko na wusimi m'baa; ela ni mmboa nao wajoka aighu ya punda; punda mtini, mwana wa punda.

ZEFANIA 3:15

BWANA wamerie kuinja ikabo jenyu, wamerie kuwiwinga wamaiza wenyu wose; BWANA, uo mzuri wa Israeli oko andwamweri nenyo, ndemuwuyaaobua mawiwi ghangi sena anduangi.

ISAYA 44:6

BWANA, Uo Mzuri na Mkomboli wa Israeli, uo BWANA wa majeshi, waghamba, “Ini ne wa imbiri, na wa kutua, ndekuwadie mlungu ungi mzima kuchumba ini anduangi.

WAROMA 3:3

Da ikaia wada ngera wamu ndewerekoghe waloli? Welee, kuja kusowa wuloli kwawo kuinja wuloli ghwa Mlungu?

JOHANE 12:13

Wikafuma kummara wikidwa masawi gha mitende, na kukasa kwa lwaka wikighamba, “Hosana! Warasimilwa uo uchagha kwa irina ja Bwana. Nderasimilo Mzuri wa Israeli.”

JOHANE 1:49

Nathanaeli ukamzera, “Mwalimu, oho ko Mwana wa Mlungu! Ko Mzuri wa Israeli!”

MARKO 15:26

Na maandiko gha mashitakio ghake ghereandikiloghe: “MZURI WA WAYAHUDI.”

MATHAYO 27:42

wikighamba, “Orewikirieghe wazima ela ndedimagha kukukira uo moni, nechi wei uo ni Mzuri wa Israeli; oke ndesee msalabenyi idakoni, nesi dicharumiria kwake.

MARKO 15:27

Vitoi viwi veresulubishiroghe andwamweri nao, chimu chia ya mkonu ghwake ghwa kiwomi, na chimu chia ya mkonu ghwake ghwa kiwaka. [