MARKO 15:14 - Biblia Ilagho Jiboie Kwa Wandu Wose

¹⁴ Pilato ukawikotia, “Kwaki? Wabonya wuwiwi ghuao?” Ela awo wikachuria kughora kwa chwaka mbaa, “Msulubishe!”

MARKO 15:14 Referans Kwoze

LUKA 23:41

Isi loli daakabwa kwa hachi, ela mundu uhu ndebonyere ikosa jingi anduangi.”

1 PETRO 1:19

ela kwa bagha ya zoghori mbaa ya Kristo, sa ya mwana wa ng'ondi usewadie ikosa hata iboli jingi.

WAEBRANIA 7:26

Niko koni erefwaneghe dipate Mkohani M'baa uko huwo; wa wueli, usewadie ikosa jingi, usene iboli, utanyiro na wakaung'a, na kujoswa ighu kuchumba milungunyi.

MABONYO GHA WADUMI 19:34

Ela wiendamanya uo ni Myahudi, wose kwa lwaka lumweri wikakema kwa masaa awi “Aritemi wa Waefeso ni m'baa!”

JOHANE 19:6

Nao iji wakohani wabaa na walindiri wammbona Jesu wikaghamba kwa chwaka mbaa, “Msulubishe! Msulubishe!” Pilato ukawizera, “Mmbwadenyi mumsulubishe mmbeni angu ini siwonie ikosa jingi kwake anduangi.”

JOHANE 18:38

Pilato ukamkotia, “Niki chiwangwagha loli?” Pilato uendaghora agho, ukawifumia Wayahudi sena ukawizera, “Ini siwonagha ikosa jingi kwake anduangi.

LUKA 23:47

Uja m'baa wa masikari uendawona agho gherebonyekieghe, ukamkasa Mlungu ukighamba, “Kwa loli mundu uhu orekoghe mhachi.”

LUKA 23:21

ela awo wikachuria kughora kwa chwaka mbaa, “Msulubishe! Msulubishe!”

LUKA 23:4

Pilato ukawizera wakohani wabaa na izungu, “Siwonagha ikosa jingi kwa mundu uhu anduangi.”

MATHAYO 27:54

Uja m'baa a masikari, na waja wose werekwanyeghe wikimlindia Jesu, wiendawona ugho msughusiko ghwa ndoe na agho ghose gherebonyekieghe, wikashinika na kughamba, “Loli uhu orekoghe Mwana wa Mlungu.”

MATHAYO 27:19

Hata iji oreserieghe kidombo kwa kifumbi cha kutanya, mkake ukamdumia momu ukighamba, “Kusekaie na ilagho jingi na uo mundu wa hachi, angu ikwau nasumbukie kwa mengi ndodonyi kwa wundu ghwake.”

MATHAYO 27:4

ukighamba, “Nabonya kaung'a kwa kumfunya mundu wa hachi ubwagho.” Ela awo wikaghamba, “Ijo si ilagho jingi jedu, jizighane kumoni.”

ISAYA 53:9

Oreboisiroghe kaburi chiaimweri na wawiwi, ukarikwanya chiaimweri na wazuri wa mali; hata ngera nderekudederieghe, na mikalo ingi kuwoneka momunyi kwake anduangi.”

ISAYA 53:3

Oremenyeroghe na kuleghwa ni wandu, mundu wa wasi uichi kutirirwa, na sa mundu useko ozighanwa ni wandu, oremenyeroghe, hata wandu ndeweremtalieghe kukaia kindo chingi anduangi.

ZABURI 69:4

Wandu wizamilwagha ni ini duu, ni wengi kuchumba mtalo ghwa iridia japo. Wamaiza wapo waawuyanidungia malagho gha tee; weko na ndighi nyingi nawo weekunda kunibwagha. Naawuyalipishwa icho niseiwie.

MARKO 15:13

Nawo wikatumbulia kwa lwaka lubaa, “Msulubishe!”

MARKO 15:15

Niko Pilato, ukikunda kuwiboia wandu, ukawifunguya Baraba. Ela umeria kumkaba Jesu ukamfunya kwawo usulubisho.

MABONYO GHA WADUMI 13:28

Hata ngera ndewerepatireghe ilagho jingi jimfwanagha kufwa, ela wikamlomba Pilato umfunye ubwagho.