MARKO 14:61 - Biblia Ilagho Jiboie Kwa Wandu Wose

⁶¹ Ela uo ukanyama kima, hata nderetumbulieghe ilagho jingi anduangi. Mkohani M'baa ukamkotia kawi, “Welee, oho nuo Kristo, Mwana wake uja Mrasimilwa, anguwada?”

MARKO 14:61 Referans Kwoze

MARKO 15:2

Pilato ukamkotia Jesu, “Welee, oho koko Mzuri wa Wayahudi?” Jesu ukatumbulia, “Ni oho kwaghamba.”

ISAYA 53:7

“Orekorongeloghe na kutirirwa, ela ndereghorieghe ilagho jingi; Orenyameghe kima kara kara na mwana wa ng'ondi ughenjwagha kichinjonyi, ee, seji ng'ondi ikaiagha kima imbiri ya uo mundu uidumbuagha mafuri; nderetumbulieghe ilagho jingi anduangi.

JOHANE 19:7

Wayahudi wikamtumbulia, “Isi deko na sharia, na kunughana na sharia iyo yamfwana ufo, angu orekubonyereghe moni kukaia Mwana wa Mlungu.”

1 PETRO 2:23

Iji oredukaniroghe, nderetumbulieghe kwa kudukana; iji oretiriroghe, nderekumbieghe mndungi wowa; ela orekusaghikieghe kwa Mlungu uo utanyagha hachi.

JOHANE 10:36

welee, uja oreelesheroghe ni Aba, na kudumwa wurumwengunyi, inyo mwamzera, ‘Kwaawuyasholia,’ angu nighorie ‘Ini ne Mwana wa Mlungu?’

JOHANE 1:34

Nani nawonie, niko nashuhudia angu uhu ni Mwana wa Mlungu.”

MATHAYO 16:16

Simoni Petro ukatumbulia, “Oho ko Kristo, Mwana wa Mlungu uko moyo.”

MATHAYO 8:29

Wikazoya kukema wikighamba, “Koko na ilaghoki nesi oho Mwana wa Mlungu? Wele kwaacha kuditirira ngelo edu isevikie?”

MATHAYO 3:17

Na lwaka lukasikirika kufuma mlungunyi lukighamba, “Uhu nuo Mwana wapo mkundwa, uniboiagha loli-loli.”

ZABURI 119:12

Nakukasa oho ee BWANA; kunifundishe sharia rako.

ZABURI 39:9

Nichanyama kima nisedede, angu ni oho kubonyere agho.

ZABURI 2:7

Mzuri waghamba, “Nichaeresha agho BWANA ughorie. Wanizerie huwu, ‘Oho ko mwana wapo, nakuva idime.

1 TIMOTHEO 6:15

Na uko kuwoneka kwake, kuchawonyerwa worinyi kwa ngelo yaro ni uo ukaswaghwa uko M'baa uekeri, Mzuri wa wazuri na Bwana wa weke bwana.

1 TIMOTHEO 1:11

karakara na ijo Ilagho Jiboie ja wubaa, ja Mlungu ukaswaghwa; ijo nerenekeloghe nijidumikie.

MABONYO GHA WADUMI 8:32

Na maandiko orekoghe ukighishoma ni agha: “Orekoghe sa ng'ondi ighenjwagha kubwaghwa, na sa mwana wa ng'ondi ukaiagha kima imbiri ya uo umdumbuagha mafuri ni huwo koni ndereghorieghe ilagho jingi anduangi.

JOHANE 19:9

Ukangia sena andenyi ya praetoriumu ukamkotia Jesu, “Welee, kwafuma hao?” Ela Jesu nderetumbulieghe ilagho jingi anduangi.

JOHANE 18:37

Niko Pilato ukamkotia, “Kwa huwo oho ko mzuri-e?” Jesu ukamtumbulia, “Ni oho kwaghamba angu ne mzuri. Nani nerevaloghe na kucha wurumwengunyi kwa wundu ughu ghoni, niwighorie wandu iyo loli. Kula mundu uko andenyi ya iyo loli wadanisikira.”

JOHANE 10:24

Nao Wayahudi wikammaria chia rose wikamzera, “Kudikambira chongo hata lii? Ngera koko Kristo kudighorie worinyi.”

MARKO 14:60

Nao Mkohani M'baa ukawuka kimusi aghadi yawo, ukamkotia Jesu, “Welee, ndekutumbuliagha ilagho jingi ado? Ni malaghoki agha wandu wikushuhudiagha nagho?”