MARKO 14:11 - Biblia Ilagho Jiboie Kwa Wandu Wose

¹¹ Nawo iji wasikira; wikaboilwa, wikalaghana wimneke pesa. Nao moni ukalola chia ifwane emfunya kwawo.

MARKO 14:11 Referans Kwoze

1 TIMOTHEO 6:10

Angu kuzoya kwa mawiwi ghose ni kuja kukunda mali; na kwa chia ya bea nyingi wandu wamu walaghaya na kujisigha ijo irumirio, nawo wavavira ngolo rawo kwa luwawo lubaa.

JUDA 1:11

Ni bugha kwawo! Angu wadanugha iyo chia Kaini oreinughieghe, na kwa wundu ghwa fwaida, wakulekera weni winughe ikosa ja Balaamu, na kutota seji Kora oreleghieghe, ukatota.

MATHAYO 26:15

“Ngamfunya konyu muninekaki?” Nao wikamlipa vibelele mirongo idadu va feza.

HOSEA 7:3

BWANA waghamba, “Wandu wadamkalia mzuri na wabaa wake kwa kutumia njama rawo mbiwi.

2 WAZURI 5:26

Elisha ukamzera, “Kwani roho yapo ndeighendanyeghe na oho ingelo uja mundu userieghe kufuma igarenyi kwake kukumara? Huwo ni ngelo ewada pesa na nguwo, mbuwa ra mizeituni na mizabibu, ng'ondi na ng'ombe, wadumiki wa womi na wa waka?

1 WAZURI 21:20

Ahabu uendammbona Elija ukamzera, “Kwaniwada nga m'maiza wapo?” Elija ukatumbulia, “Ee, nakuwada; oho kwamerie kukufunya kubonya mawiwi imbiri ya BWANA.

MATHAYO 26:14

Niko Juda Iskarioti, umu wa waja ikumi na wawi, ukawighendia wakohani wabaa ukawizera,

MARKO 14:10

Nao Juda Iskarioti, uo orekoghe umu wa waja ikumi na wawi, ukawighendia wakohani wabaa umfunye Jesu kwawo.

MARKO 14:12

Ituku ja imbiri ja Mikate Isewadie Chachu, ngelo ng'ondi ya Pasaka ibwaghwagha, wanughi wake wikamkotia, “Welee, ni hao kukunde dikuboisire Ndima ya Pasaka?”

LUKA 22:3

Niko Shetani ukamngia Juda uwangwagha Iskarioti, nao ni umu wa waja wanughi ikumi na wawi;